![इजरायल नीतिको विरोध गर्न अमेरिका, बेलायत, युरोपका ८०० भन्दा बढी अधिकारी एकजुट](https://12khari.top/uploads/posts/gaja-1704015890.jpg)
बेइजिङ । संयुक्त राज्य अमेरिका, बेलायत र युरोपेली संघका ८०० भन्दा बढी अधिकारीले गाजा द्वन्द्वमा इजरायललाई आफ्नो सरकारको समर्थनविरुद्ध असहमति व्यक्त गर्दै सार्वजनिक पत्र जारी गरेको द न्युयोर्क टाइम्सले उल्लेख गरेको छ ।
यो प्रयासलाई संगठित पार्न वा समर्थन गर्ने वर्तमान र पूर्वअधिकारीहरूले भनेका छन्, “यो जमघट एट्लान्टिक पारका सहयोगी राष्ट्रहरूमा भएका युद्धमा आफ्ना सरकारहरूको नीतिको खुलेर आलोचना गर्न एकसाथ आयोजित पहिलो उदाहरण हो । यसले न्यायको पक्षमा आफ्ना धारणा राख्छ ।”
न्युयोर्क टाइम्सले अधिकारीहरूले जारी गरेको आशयानुसार आफ्ना सरकारहरूको वर्तमान नीतिले स्वतन्त्रता र नैतिक बललाई कमजोर पार्ने उल्लेख गरेको छ ।
“हाम्रा सरकारका नीतिहरूले अन्तर्राष्ट्रिय मानवीय कानुनको गम्भीर उल्लंघन, युद्ध अपराध र नरसंहारमा सहयोग पुर्याउने सम्भावित जोखिम छ,” जारी पत्रमा भनिएको छ ।
हस्ताक्षरकर्तामध्ये करिब ८० अमेरिकी एजेन्सीहरूसँग सम्बद्ध छन् । यस्तै, हस्ताक्षरकर्तामध्ये सबैभन्दा बढी प्रतिनिधित्व गर्ने प्रशासकीय अधिकारयुक्त सामूहिक ईयू संस्थाहरू हुन् । रासस/सिन्ह्वा