काठमाडौं । सेयर बजार मापक नेप्से परिसूचक २०.६२ अंकले बढेको छ । मंगलबार एक प्रतिशतले बढेर नेप्से २०८०.१२ को विन्दुमा पुगेको छ ।

यस दिन एक करोड ७९ लाख ४९ हजार ५६२ कित्ता सेयर ६ अर्ब ११ करोड ८३ लाख १७ हजार ८६६.६७ रुपैयाँमा किनबेच भएको नेपाल स्टक एक्सचेन्ज (नेप्से)ले जनाएको छ ।

आज १६५ कम्पनीको सेयर मूल्य बढेको छ । ७७ कम्पनीको सेयर मूल्य घट्दा पाँचको स्थिर छ ।

१३ मध्ये १० उपसमूहको समूहगत सूचक बढेको छ । विकास बैंक उपसमूहको समूहगत सूचक ५.२१ प्रतिशतले बढेको छ । हाइड्रोपावर उपसमूहको समूहगत सूचक ०.४५ प्रतिशतले घटेको छ ।

कर्णाली विकास बैंक, सिन्धु विकास बैंक, कालिका लघुवित्त वित्तीय संस्था, सप्तकोसी विकास बैंक, उपर स्यांगे हाइड्रो पावर, त्रिशूली जलविद्युत् कम्पनी लिमिटेड, मुक्तिनाथ कृषि कम्पनी लिमिटेड र हिमालय रिइन्स्योरेन्स लिमिटेडको सेयर मूल्य सर्वाधिक १० प्रतिशतले बढेको छ ।

धौलागिरी लघुवित्त वित्तीय संस्था लिमिटेडको सेयर मूल्य ८.१९ प्रतिशतले घटेको छ ।