काठमाडौं । प्रधानमन्त्री पुष्पकमल दाहाल 'प्रचण्ड'ले देशमा भीआईपीहरू पनि कानुनी दायरामा आउने अभ्यास सुरु भएको बताएका छन् । 

एक वर्षअघि सुशासन स्थापित गर्ने भनेको भनाइ स्मरण गर्दै प्रधानमन्त्री प्रचण्डले भीआईपी कल्चर अन्त्य गरेको बताए । 

“देशमा भीआईपी कल्चर स्थापित थियो । ठूलालाई कानुनले छुँदैन भनिएकोमा उच्च पदस्थहरू कानुनको दायरामा आएका छन्,” प्रधानमन्त्री प्रचण्डले भने, “यसबाट कानुनको सर्वोच्चता मात्र होइन लोकतन्त्रकै सर्वोच्चता स्थापित भएको छ ।”