![बढेको बजारमा ६८ कम्पनीको सेयर मूल्य ३०० भन्दा कम (सूचीसहित)](https://12khari.top/uploads/posts/Bull-Marker-Share-Bazar-Nepse-Badhai-1702218602.jpg)
काठमाडौं । धितोपत्र दोस्रो बजार मापक नेप्से परिसूचक पछिल्ला दिनमा उच्च अंकले बढ्दै गएको छ । दैनिक कारोबार रकम पनि बढ्दै गएको छ । बुधबार त ७ अर्ब रुपैयाँको सेयर कारोबार भयो । यो एक वर्ष यताकै उच्च मूल्यको सेयर कारोबार हो ।
सेयर बजार उकालो लागे पनि ६८ कम्पनीको सेयर मूल्य ३०० रुपैयाँभन्दा कम छ । ५२ हप्ताको न्यून मूल्यको तुलनामा सेयर मूल्य केही बढेको भए पनि पछिल्लो ५२ हप्ताको उच्च मूल्यभन्दा कम नै छ ।
नेपाल स्टक एक्सचेन्ज (नेप्से)मा बुधबार (पुस ४ गते) कारोबार भएका कम्पनीहरूमध्ये ६८ कम्पनीको सेयर मूल्य ३०० रुपैयाँभन्दा कम छ । विकास बैंक र बैंकहरू नै छन् ।
वाणिज्य बैंकहरूमा पनि सबैभन्दा सस्तो सेयर मूल्य कुमारी, प्रभु, नेपाल इन्भेष्टमेन्ट मेगा, सिटिजन्स, ग्लोबल आइएमई, लक्ष्मी सनराइज बैंकको छ ।
कुमारी बैंकको सेयर मूल्य १६९ रुपैयाँ छ । यो बैंकको सेयर मूल्य वाणिज्य बैंकहरूकै सस्तो हो । यो बैंकको सेयर मूल्य पछिल्लो ५२ हप्तामा सबैभन्दा उच्च २११ रुपैयाँ ६० पैसासम्म पुगेको छ ।
३०० भन्दा कम सेयर मूल्य हुनेमा अधिकांश हाइड्रोपावर कम्पनी छन् । हाइड्रोमा पनि हिमाल दोलखा हाइड्रोपावर कम्पनीको सेयर मूल्य १५६ रुपैयाँ छ । यो कम्पनीको पछिल्लो ५२ हप्ताको उच्च मूल्य २६४ रुपैयाँ थियो । त्यस्त्ै अरूण काबेली, लिबर्टी इनर्जी, अपि पावर घलेम्दी, सिवश्री हाइड्रोको सेयर मूल्य २०० भन्दा तल छ ।
सूची हेर्नोस्–