site stats
बाह्रखरी :: Baahrakhari
खेल
Global Ime bankGlobal Ime bank
समूह चरणमा रियाल मड्रिडको शतप्रतिशत जित

काठमाडौं । कार्लो एन्सेलोट्टीको टोली रियाल मड्रिडले यूईएफए च्याम्पियन्स लिगको समूह चरणमा शतप्रतिशत जित निकालेको छ ।

रियालले मंगलबार भएको खेलमा युनियन बर्लिनविरुद्ध ३–२ को रोमाञ्चक जित निकाल्दै समूह चरणमा अपराजित यात्रा कायम गरेको हो ।

ओलम्पिस्टाडियो बर्लिनमा सम्पन्न खेलमा रियाललाई जित दिलाउन जोसेलुले दुई र ड्यानी सबाओसले एक गोल गरे । घरेलु टिमका केभिन भोलान्ड र एलेक्स क्रलले गोल फर्काए पनि हारबाट जोगाउन सकेनन् ।

खेलमा पहिले अग्रता भने युनियन बर्लिनले बनाएको थियो । पहिलो हाफको इन्जुरी समयमा भोलान्डको गोलमा बर्लिनले अग्रता बनाएको थियो । तर, ६१औं मिनेटमा जोसेलुले गोल गर्दै रियाललाई खेलमा फर्काएका थिए । ७१औं मिनेटमा जोसेलुकै गोलबाट रियालले अग्रता दोब्बर बनायो । ८५औं मिनेटमा क्रलले गोल गरेपछि बर्लिन खेलमा फर्किएको थियो । 

तर, खेलको निर्धारित समय सकिन एक मिनेट बाँकी रहँदा सबाओसले गोल गरेपछि रियालले ३–२ को रोमाञ्चक जित सुनिश्चित गर्यो ।

जितसँगै ६ खेलबाट १८ अंक जोडेको रियालले समूह ‘सी’ को शीर्ष स्थानमा रहँदै नकआउट चरणमा स्थान बनाएको छ । समान खेलबाट दुई अंक जोडेको युनियन बर्लिन भने पुछारमा रहँदै प्रतियोगिताबाट बाहिरियो ।

समूह ‘सी’ मा मंगलबार नै भएको अर्को खेलमा नापोलीले क्लब ब्रागाविरुद्ध २–० को जित निकालेको छ । यो जितसँगै नापोली समूह उपविजेताको रुपमा प्रि–क्वार्टरफाइन्ल प्रवेश गरेको छ । दोस्रो स्थानको नापोलीले ६ खेलबाट १० अंक जोडेको छ । समान खेलबाट चार अंक जोडेको ब्रागा तेस्रो स्थानमा रहँदै प्रतियोगिताबाट बाहिरियो ।

प्रकाशित मिति: बुधबार, मंसिर २७, २०८०  १०:३७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro