काठमाडौं । डिशहोमले आईसीसी टी–२० आई विश्वकप छनोटअन्तर्गत घोषणा गरेको पुरस्कारको रकम खेलाडीहरूलाई प्रदान गरेको छ ।

आइतबार डिशहोमको मुख्य कार्यालयमा एक कार्यक्रम आयोजना गरी खेलाडीहरूलाई नगद पुरस्कार प्रदान गरेको हो ।

२९ अक्टोबर २०२३ देखि सुरु भएको आईसीसी टी–२० आई विश्वकप एसिया क्षेत्र छनोटको खेलमा डिशहोम फाइबरनेटले ‘अब इतिहास रच्ने पालो हाम्रो’ भन्ने नारासहित नगद पुरस्कार घोषणा गरेको थियो ।

उक्त पुरस्कारअन्तर्गत खेलमा शतक प्रहार गर्ने नेपाली खेलाडीले १० लाख रुपैयाँ, एकै खेलमा शतक र पाँच विकेट लिने खेलाडीले २० लाख रुपैयाँ दिइएको डिशहोमले घोषणा गरेको थियो ।

एकै खेलमा पाँच विकेट लिएमा पाँच लाख, अर्धशतक बनाएमा एक लाख, कम्तीमा तीन विकेट लिएमा एक लाख, कम्तीमा ३५ रन बनाएमा ५० हजार र कम्तीमा तीन क्याच वा स्टम्पिङ गर्ने खेलाडीलाई ५० हजार रुपैयाँ घोषणा गरेको थियो ।