काठमाडौं । वीर अस्पतालले ब्रेन ट्युमर विशेष क्लिनिक सेवा सुरु गरेको छ । अस्पतालको न्युरो सर्जरी विभागअन्तर्गतको ब्रेन ट्युमर केन्द्रमार्फत सेवा सञ्चालनमा ल्याइएको हो । 

क्लिनिक सेवा साताको दुईदिन आइतबार र बुधबार बिहान १० देखि १ बजेसम्म सञ्चालन हुने छ । न्युरो सर्जरी ओपीडीको कोठा नम्बर  ४३१ बाट सेवा लिन सकिने छ ।

अस्पतालले मेरुदण्डका बिरामीलाई लक्षित गरी अस्पतालले न्युरो स्पाइन क्लिनिक पनि सञ्चालनमा ल्याएको छ । सोहीदिन र समयमा कोठा नम्बर ४२८ बाट न्युरो स्पाइन क्लिनिक सेवा दिइने अस्पतालले जनाएको छ  ।