![सेयर बिक्रीबारे एनसेलले प्राधिकरणलाई फर्कायो जवाफ](https://12khari.top/uploads/posts/Ncell-NTA-1701442432.jpg)
काठमाडौं । निजी क्षेत्रको दूरसञ्चार कम्पनी एनसेल आजियाटा लिमिटेडले आफ्नो सेयर बिक्रीको विषयमा नेपाल दूरसञ्चार प्राधिकरणलाई जवाफ पठाएको छ।
आजियाटाले आफ्नो सेयर बिक्री गर्दै नेपालबाट बाहिरिने घोषणा गरेपछि प्राधिकरणले स्पष्टीकरण सोधेको थियो ।
दूरसञ्चार कम्पनीले आफ्नो सेयर बेच्नुअघि प्राधिकरणबाट अनुमति लिनुपर्छ । तर, प्राधिकरणलाई कुनै जानकारी नदिई एनसेलको विदेशी लगानीकर्ताले नेपालबाट बाहिरिएको घोषणा गरेपछि प्राधिकरणले स्पष्टीकरण सोधेको थियो ।
प्राधिकरणका अध्यक्ष पुरुषोत्तम खनालले एनसेलबाट पत्र आएको र आफूहरूले अध्ययन र छलफल गरिरहेको बताएका छन् ।
“आज एनसेलबाट जवाफ आएको छ । हामीले अध्ययन र छलफल गरिरहेका छौँ,” प्राधिकरणका अध्यक्ष खनालले बाह्रखरीसँग भने ।
एनसेलले पठाएको जवाफमा के छ भन्ने कुरा अहिले सार्वजनिक भइसकेको छैन ।