site stats
बाह्रखरी :: Baahrakhari
राजनीति
Nabil BankNabil Bank
मध्यपहाडी लोकमार्गमा एमालेको नजर किन ? 
Ghorahi CementGhorahi Cement

काठमाडौं । प्रतिपक्षी एमाले मंसिर १४ गतेबाट मध्यपहाडी लोकमार्ग केन्द्रित अभियानमा होमिँदैछ ।  एमाले बैतडीको झुलाघाटदेखि पाँचथरको चिवाभज्याङसम्म २२ दिने यात्रामा निस्कन लागेको हो । 

मंसिर १४ गते बिहान ८ः३० बजे अध्यक्ष केपी शर्मा ओलीले झुलाघाटमा राष्ट्रिय झन्डोत्तोलन गरेर अभियानको सुरुवात गर्नेछन् । उक्त अभियान पुस ५ गतेसम्म अभियान चल्लेन छ । अभियानमा ५० लाख जनतासँग सात्क्षाकार गर्ने योजना एमालेको छ । 

पुष्पलाल राजमार्गको रुपमा चिनिने मध्यपहाडी लोकमार्ग १ हजार ८७९ किलोमिटर छ । यात्राका दौरान जनताका समस्या सुन्ने र उत्साह पैदा गरिने योजना रहेको नेताहरु बताउँछन् । आमसभा र भेटघाट कार्यक्रम बनाइएको छ । 

Agni Group

अभियान किन ?

एमालेले पहाड विकास र समृद्ध बन्न लाग्दा बसाईं–सराइ जारी रहेको भन्दै त्यसलाई रोक्न खोजेको नेताहरु बताउँछन् । 

Global Ime bank

“पूर्वाधार धमाधम बन्दैछन् । पहाड विकास र समृद्धिको हिसाबले अगाडि नै छ । मान्छे चाहिँ धमाधम बसाइ सर्नथाले,” एमाले पोलिट्ब्यूरो सदस्य विशाल भट्टराई भन्छन्, “हामीले पहाडप्रतिको आकर्षण सिर्जना गर्न खोजेका हौं । मध्यपहाडमा जे सुकै उत्पादन हुन सक्छ भन्ने सन्देश दिन्छौं । यसलाई प्राथमिकता दिऔं । राज्यले पनि ध्यान दिऔं भन्ने सन्देश दिन खोजेका हौं ।”

एमाले अध्यक्ष ओलीले अभियानबारे जानकारी दिन एउटा भिडियो सार्वजनिक गरेका छन् ।  जसमा स्थानीय सम्बन्ध विस्तार गरी राष्ट्रिय सन्देश दिन एमालेले अभियान गर्न लागेको जनाइएको छ । राजधानी र गाउँको दूरी घटाउन, सम्बन्धहरु बढाउन अभियानको उद्देश्य रहेको छ ।  

“नागरिक किन पलायन भइरहेका छन् ? समाजमा किन निराशा छ ? समस्याका कारणहरु के हुन् ?  समस्याहरुको समाधान निकाल्ने एउटा सामूहिक प्रयास,” ओलीले भिडियोमा भनेका छन् । 

लोकमार्गको श्रेय लिन ?

मध्यपहाडी लोकमार्गलाई पुष्पलाल राजमार्ग पनि भनिन्छ । राजमार्गको सुरुवातकर्ता आफ्नो पार्टी रहेको दाबी एमालेको छ ।  एमालेका उपाध्यक्ष सुरेन्द्र पाण्डे अर्थमन्त्री रहँदा २०६६–६७ को बजेटबाट लोकमार्गको सुरुवात आफैँले गरेको जिकिर गर्छन् ।

मधेस आन्दोलन चर्कँदा एकतामा असर पर्छ भन्ने लागेर आफूले मध्यपहाडमा बाटो बनाउन बजेट छुट्याएको बताउँछन् । त्यतिबेला मधेसमा रहेका पहाडी समुदायहरु खेदिने अवस्था रहेको उनी स्मरण गर्छन् । 

“मधेसमा आन्दोलन चर्किरहको थियो । मधेसी समुदाय मात्रै होइन मधेसमा भएका पहाडी समुदायहरु विभिन्न रुपले विस्थापित भएर खेदिने स्थिति थियो,” उनी सम्झिन्छन्, “मानिसहरुले आफ्नो सम्पत्ति थोरै मूल्यमा बेचेर भाग्ने स्थिति बन्यो । कतिपयले त सित्तै छाडेर पनि हिँडे । सामाजिक द्वन्द्व स्थापित हुँदै थियो ।” 

उनी थप्छन् “मधेसमा आन्दोलन चलिरहेको थियो । मध्यपहाडको बाटो खोलिएन र मध्यपहाडको विकास भएन, मध्यपहाडमा नै जनसंख्या राख्ने स्थिति गरेनाँै भने देशकै स्थायित्व र एकतामा प्रतिकूल प्रभाव पार्छ भन्ने ठानेर मध्यपहाडी बाटो सुरु भयो,” उनी भन्छन्, “मैले नै सुरुवात गरेको हुँ ।”

मध्यपहाडी क्षेत्रमा १ हजार ७३० किलोमिटरको पुष्पलाल लोममार्गका लागि ०६६–६७ को बजेटमा ६१ करोड १७ लाख छुट्याइएको थियो ।  

उनका अनुसार, त्यतिबेला दुईवटा खण्ड पिचका लागि बजेट निकासा भएको थियो ।  घुर्मी र खुर्कोट खण्ड बुर्तिबाङ बाग्लुङ खण्ड   किलोमिटर त्यही बेलामा सुरुवात भयो ।  हेटौंडादेखि चतराको सडकका लागि चार अर्ब रुपैयाँ बजेट छुट्याइएको उनी बताउँछन् । 

लोकमार्गमा पर्ने जिल्लाहरुलाई केन्द्रित गरेर १० वटा शहर बनाउने घोषणा भएको थियो । 

पाँचथरको फिदिम, तेह्रथुमको बसन्तपुर, सिन्धुलीको खुर्कोट, धादिङको बैरेनी तनहुँको डुम्रे, बाग्लुङको बुर्तिबाङ, रुुकुमको चौरजहारी,  दैलेखेको राकम कर्णाली, अछामको साँफेबगर, बैतडीको पाटनलाई सहरको रुपमा विकास गर्ने घोषणा गरिएको थियो । 

नमुना सहर बनाउन सरकारले बजेट छुट्याउँदै आएको छ । वि.स. २०९१ सम्म एक–एक लाखको सहर बनाउने भनेर कार्यक्रम अघि बढाएको छ । पछिल्लो समय मध्यपहाडी लोकमार्गको अवधारणामा अपभ्रंस हुन गएको पाण्डेको भनाइ छ । तर, छोटोसयमै पक्की र सजिलो बाटो बन्नु उपलब्धि रहेको उनी बताउँछन् । 

“जहाँ डाँडो आउँछ सिँधा  छेडेर १ हजार किलोमिटरमा पूर्वपश्चिम पुग्नुपर्छ भन्ने थियो । स्थानीय स्वार्थ बोकेका नेताहरुले आफ्नो टोल, घर, जिल्ला जाने मोड दिने क्रममा यो नक्साकन अपभ्रंस भएको छ । यो लम्बिँदै गएछ । बाटो चाहिँ कहीँ पक्की र कहीँ राम्रो सडक बनिसकेको छ । त्यो ठूलो उपलब्धि हो,” उनी भन्छन्, “पूर्वपश्चिम राजमार्ग २० सालमा शिलान्यास भएर ०५३ सालमा पूर्ण भएको थियो । यो बाटो त १३–१४ वर्षको अवधिमा पूर्वदेखि पश्चिमसम्म बाटो बनेको छ । छोटो अवधिको उपलब्धि हो ।”

अर्थतन्त्रको केन्द्र बनाउन मार्गको घोषणा गरिएको उनी सुनाउँछन् । 

“त्यसको वरिपरी सहर बन्छन् । हाइड्रो पावरका लागि ‘एक्सेस रोड’ बन्छ । पर्यटनको विकास हुन्छ । मध्यपहाडी क्षेत्रमा हुने बाली विकास गर्न सकिन्छ । अर्थतन्त्रको सेन्टर मध्यपहाडी बन्नुपर्छ भन्ने उद्देश्यले घोषणा गरेको हो,” पाण्डेले बाह्रखरीसँग भने । 

उनले अनावश्यक बाटो मिलाउन र बन्न बाँकी बाटो विस्तार गर्न आगामी दिनमा सहज होस् भन्ने हेतुले पनि यात्रा गर्न लागिएको बताए । 

“बंग्याएका बाटालाई सिँधा बनाएर जान सक्छौं । राष्ट्रको बजेट पनि बढ्दै जाला । बाटा सोझो बनाउँदा ‘इकोनोमिक लाइफलाइन’ नै यो हुन्छ र बीचमा यो शहरहरु बन्छन् । त्यसैले पनि यात्रा गर्न  लागिएको हो,’’ उनी भन्छन् । 

पछिल्लो समय जग्गा खेतीका लागि भन्दा पनि किनबेच गरेर मुनाफाको क्रम बढेको भन्दै पहाडमा पनि त्यो उपयुक्त हुन सक्ने उनी बताउँछन् ।  जमिन किनबेचका लागि तराई झरिरहनु भन्दा उद्योगधन्दा र ठूला फार्महरुका लागि पहाडी जमिन पनि उपयुक्त हुन सक्ने उनी बताउँछन् । 

एमालेले पुष्पलाल लोकमार्गको श्रेय लिन खोजेको चर्चा भइरहेको छ । पाण्डे यथार्थ कुराको श्रेय लिइरहननपर्ने बताउँछन् । 

“कुुरो त धेरै अघिदेखि हुँदै आएको थियो । मनमोहनजीको सरकारमा पनि पहाडमा एउटा सरकार बनाउनुपर्छ भन्ने कुरा भएको हो,” उनी भन्छन्, “धेरैपटक धेरै कुरा भए । सुरुवात भएको थिएन । मध्यपहाडी मैले नै सुरु गराएँ । सुरुवात गराएको कुरालाई हो भनिरहन पर्छ र ?” 

मध्यपहाडमा बन्न लागेको सहरमा एमालेले नजर लगाएको छ ।  एमालेले आगामी निर्वाचनको तयारीका लागि पनि अभियान सञ्चलान गरेको छ ।  यसअघि २०७४ मा एमालेले मेची–महाकाली अभियान चलाएको थियो । अब एमालले मध्यपहाडी अभियान चलाउन लागेको हो । 

कोसी प्रदेशको नामांकरण विवाद टुंगिएको छैन । नामकरणको विषयमा पहिचावादीहरुले एमाले नेताहरुको गाडीमा आक्रमण गर्दै आएको एमालेकै केही नेताहरुको दाबी छ । केही दिनअघि गृहजिल्ला ताप्लेजुङमा एमालेका सचिव योगेश भट्राईको गााडीमा तोडफोड  पनि उनीहरुबाटै भएको आरोप लगाइए पनि पुष्टि भने हुन सकेको छैन ।

एमालेमाथि प्रहार भइरहेको बेला एमालेले अभियान पाँचथरको चिवाभज्याङ पुगेर अन्य गर्नेछ । जनतामा फैलिएको भ्रम चिर्ने कोसिस भइरहेको नेताहरु बताउँछन् । 
 

NIBLNIBL
प्रकाशित मिति: बुधबार, मंसिर १३, २०८०  ०९:१०
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Anna SonamAnna Sonam
Ann NabilAnn Nabil
Ann GlobalAnn Global
Ann IMEAnn IME
Anna KalikaAnna Kalika
Ann ParamountAnn Paramount
Anna AnnapurnaAnna Annapurna
Anna Dish HomeAnna Dish Home
Anna SoftadAnna Softad
Ann KFCAnn KFC
Ann RaraAnn Rara
Anna MM GroupAnna MM Group
Ann VarnavasAnn Varnavas
Ann VianetAnn Vianet
Ann ISMTAnn ISMT
ANN GarudANN Garud
Ann GMCAnn GMC
ANN CITIZENANN CITIZEN
ANN bydANN byd
Anna MBLAnna MBL
Ann Fine printAnn Fine print
Anna Hard RockAnna Hard Rock
Anna DolphinAnna Dolphin
Anna Surya NepalAnna Surya Nepal
Anna SipradiAnna Sipradi
Anna DynastyAnna Dynasty
Ann AnshuvaraAnn Anshuvara
Ann NepatopAnn Nepatop
Anna TBCAnna TBC
ANN SalesberryANN Salesberry
Anna TeslaAnna Tesla
Anna Prabhu BankAnna Prabhu Bank
Anna MarigoldAnna Marigold
Anna Matrika EyeAnna Matrika Eye
Anna Manakamana CableAnna Manakamana Cable
Anna City MoneyAnna City Money
Anna KamanasewaAnna Kamanasewa
Anna MahalaxmiAnna Mahalaxmi
Anna SummitAnna Summit
Anna KitchenAnna Kitchen
Anna CE ConstructionAnna CE Construction
Anna ValleyAnna Valley
Anna LitmusAnna Litmus
Anna VedalayaAnna Vedalaya
Anna Mountain hardwareAnna Mountain hardware
Anna Civil MallAnna Civil Mall
Anna Nobel MedicalAnna Nobel Medical
Anna VatsalyaAnna Vatsalya
Anna Facts NepalAnna Facts Nepal
Ncell Side Bar LatestNcell Side Bar Latest
Shivam Cement DetailShivam Cement Detail
NepatopNepatop
Maruti cementMaruti cement
सम्पादकीय
ICACICAC
Corporate BaahrakhariCorporate Baahrakhari