काठमाडौं । सरकारले माइतीघर मण्डलादेखि बानेश्वरसम्मलाई निषेधित क्षेत्र घोषणा गरेपछि युवा संघको कार्यक्रमस्थल सारिएको छ ।

युवा संघले अब मंसिर ७ गते काठमाडौंस्थित तीनकुनेमा कार्यक्रम गर्ने भएको छ । कार्यक्रम ११ बजेदेखि सुरु हुने अनेरास्ववियुका अध्यक्ष समिक बडालले जानकारी दिए ।

सुरक्षाको कारण देखाएर जिल्ला प्रशासन कार्यालय काठमाडौंले पद्मोदय मोडदेखि सिंहदरबार पश्चिम गेट, सर्वोच्च अदालत हुँदै माइतीघर मण्डलाको चारैतर्फ र माइतीघर मण्डलादेखि बबरमहल, बिजुलीबजार पूल हुँदै नयाँ बानेश्वर चोकसम्म निषेधित क्षेत्र घोषणा गरेको छ ।