काठमाडौं । असोज महिनामा वार्षिक विन्दुगत उपभोक्ता मुद्रास्फीति (महँगी) ७.५० प्रतिशत रहेको छ । नेपाल राष्ट्र बैंकका अनुसार अघिल्लो वर्षको सोही महिनाको तुलनामा मुद्रास्फीति घटेको हो ।

गत वर्षको सोही अवधिमा यस्तो मुद्रास्फीति ८.५० प्रतिशत थियो । नेपाल राष्ट्र बैंकले मौद्रिक नीतिमार्फत मुद्रास्फीति ६.५० प्रतिशत कायम गर्ने लक्ष्य लिएको छ । तर, लक्ष्यभन्दा मुद्राफीति बढी नै छ ।

असोज महिनामा खाद्य तथा पेय पदार्थ समूहको मुद्रास्फीति ८.३८ प्रतिशत र गैर–खाद्य तथा सेवा समूहको मुद्रास्फीति ६.८१ प्रतिशत छ ।

खाद्य तथा पेय पदार्थ समूहअन्तर्गत मरमसला उप– समूहको वार्षिक विन्दुगत उपभोक्ता मूल्य सूचकांक ३७.६३ प्रतिशत, चिनी तथा चिनीजन्य वस्तुको १८.२२, फलपूmलको १४.०२, खाद्य तथा खाद्यजन्य पदार्थको १२.२३ र दूग्ध पदार्थ तथा अण्डाको ११.९२ प्रतिशतले बढेको छ । 

समीक्षा महिनामा घ्यू तथा तेल उप–समूहको वार्षिक विन्दुगत उपभोक्ता मूल्य सूचकांक ११.६१ प्रतिशतले घटेको छ ।