काठमाडौं । नेपाल इन्भेष्टमेन्ट मेगा बैंकले देशका विभिन्न क्षेत्रमा रहेका ११ यातायात व्यवस्था कार्यालयहरूबाट क्यूआर कोडमार्फत राजस्व संकलनको व्यवस्था मिलाएको छ ।

यो सुविधाले यातायात व्यवस्था कार्यालयमा हुने नगद कारोबारमा कमी आउने र सेवाग्राहीलाई लामो समय लाइनमा बसेर नगद तिर्नुपर्ने झन्झटको अन्त्य भएकोे बैंकले जनाएको छ ।

क्यूआर कोर्ड प्रणालीबाट राजस्व संकलन गर्दा समयको बचत र पारदर्शी हुनुका साथै नगदरहित कारोबारमा टेवा पुग्ने बैंकले उल्लेख गरेको छ ।

हाल यो सेवा यातायात व्यवस्था कार्यालयहरू बिर्तामोड, जनकपुर, नेपालगन्ज, सुर्खेत, इटहरी, हेटौँडा, सल्लाघारी, ठूलो भर्‍याङ, सानो भर्‍याङ, नारायणगढ, महेन्द्रनगरबाट सञ्चालन गरिएको बैंकका सूचना अधिकारी बिजेन्द्र सुवालले जानकारी दिए ।