काठमाडौं । सरकारले दसैँ, तिहार, छठलगायत ठूला चाडपर्वमा सहुलियत दरमा दैनिक उपभोग्य वस्तु उपलब्ध गराउने उद्देश्यले देशभर सुपथ मूल्य पसल सञ्चालन गरेको छ ।

सरकारी स्वामित्वका खाद्य व्यवस्था तथा व्यापार कम्पनी लिमिटेड, साल्ट्र ट्रेडिङ र दुग्ध विकास संस्थानले आइतबारदेखि देशभर सुपथ मूल्य पसल सञ्चालनमा ल्याए ।

चाडबाडको समयमा निजी क्षेत्रको एकाधिकार हुन नदिन भन्दै सरकारले हरेक वर्ष सुपथ मूल्य पसल सञ्चालन गर्दै आएको छ । काठमाडौं उपत्यकामा रहेका बिक्री केन्द्र र तीन घुम्तीपसल गरी ३५ स्थानबाट सुपथ मूल्यमा खाद्यान्न बिक्री–वितरणको व्यवस्था मिलाइएको सो कम्पनीले जनाएको छ ।

उपत्यकाबाहिर झापा, ताप्लेजुङ, संखुवासभा, सोलुखुम्बु, दिक्तेल, भोजपुर, मुस्ताङलगायत स्थानमा सुपथ मूल्य पसल सञ्चालन गरिएको छ । बिक्री कक्षबाट उपभोक्ताले सबै किसिमका चामल, दाल, गहुँ, पिठो, तेललगायत खाद्यसामग्रीमा छुट पाउने व्यवस्था गरिएको छ ।

काठमाडौंको थापाथलीस्थित खाद्य व्यवस्था तथा व्यापार कम्पनीको बिक्री कक्षमा आइतबार पहिलो दिनदेखि नै उपभोक्ता समान किन्न पुगेका छन् । सहुलियत मूल्य पसल सञ्चालनका निम्ति सरकारले सो कम्पनीलाई दुई करोड ३२ लाख २० हजार बजेट छुट्ट्याएको छ ।

थप तस्बिर हेर्नोस्–