काठमाडौं । चीनमा जारी १९औँ एसियाली खेलकुदअन्तर्गत पुरुष क्रिकेटमा भारतविरुद्ध नेपालले दीपेन्द्रसिंह ऐरीलाई पाँचौँ विकेटका रूपमा गुमाएको छ ।

जेझाङ प्राविधिक विश्वविद्यालयको क्रिकेट मैदानमा भारतले प्रस्तुत गरेको २०३ रनको लक्ष्य पछ्याइरहेको नेपालले १४.२ ओभरमा दीपेन्द्रलाई व्यक्तिगत ३२ रनमा गुमाएको हो ।

जारी खेलको १५ ओभरको खेल सकिँदा नेपालले पाँच विकेट गुमाएर १२८ रन बनाएको छ । हाल क्रिजमा रहेका सन्दीप जोराले १७ र सोमपाल कामीले एक रन बनाएर खेलिरहेका छन् ।

त्यसअघि, टस जितेर ब्याटिङमा उत्रिएको भारतीय टिमले निर्धारित २० ओभरमा चार विकेट गुमाएर २०२ रन बनाएको थियो ।