काठमाडौं । एभरेस्ट बैंक लिमिटेडले गत आर्थिक वर्ष २०७९/८० को सञ्चित मुनाफाबाट कुल २०.५३ प्रतिशत लाभांश दिने घोषणा गरेको छ ।

बैंक सञ्चालक समितिको बुधबारको बैठकले गत आर्थिक वर्ष २०७९/८० को सञ्चित मुनाफाबाट हाल कायम चुक्ता पुँजीको १० प्रतिशत बोनस सेयर र कर प्रयोजनसहित १०.५३ प्रतिशत नगद लाभांश दिने प्रस्ताव गरेको हो । 

यो प्रस्ताव नेपाल राष्ट्र बैंकबाट स्वीकृत भएपछि बैंकको आगामी साधारण सभाबाट पारित भएपछि लगानीकर्ताले लाभांश प्राप्त गर्ने छन् ।