काठमाडौं । प्राथमिक सेयर (आईपीओ) निष्कासन गर्न दुई जलविद्युत् कम्पनीले नेपाल धितोपत्र बोर्डमा निवेदन दिएका छन् । दरम खोला हाइड्रो इनर्जी लिमिटेडले भदौ ५ गते र भुजुङ्ग हाइड्रोपावर लिमिटेडले भदौ १३ गते आवेदन दिएका हुन् ।

दरम खोला हाइड्रोले ३९ लाख ५० हजार कित्ता आईपीओ निष्कासन गर्न बोर्डमा निवेदन दिएको हो । यो कम्पनीको आईपीओ बिक्री प्रबन्धकमा लक्ष्मी क्यापिटल मार्केट लिमिटेड रहेको छ ।

भुजुङ्ग हाइड्रोपावरले पाँच लाख कित्ता आईपीओ निष्कासन गर्न बोर्डमा आवेदन दिएको छ । यो कम्पनीको आईपीओ बिक्री प्रबन्धकमा कुमारी क्यापिटल लिमिटेड रहेको छ ।

यी कम्पनीले बोर्डबाट आईपीओ निष्कासन गर्न अनुमति पाएपछि पहिलो चरणमा आयोजना प्रभावित स्थानीय र वैदेशिक रोजगारमा रहेका नेपालीलाई निष्कासन गरी बाँडफाँड गर्नेछ । त्यसपछि मात्र सर्वसाधारणमा आईपीओ निष्कासन हुनेछ ।