काठमाडौं । एभरेष्ट बैंक लिमिटेडले मानव सेवा आश्रम गोरखालाई पाँच लाख रुपैयाँ आर्थिक सहयोग गरेको छ ।

संस्थागत सामाजिक उत्तरदायित्वअन्तर्गत सहयोग गरेको बैंकका प्रमुख कार्यकारी अधिकृत सुदेश खालिङले बताए ।

अधिकृत खालिङले आश्रमका गण्डकी प्रदेशका संयोजक मुना लामालाई उक्त रकम बराबरको चेक हस्तान्तरण गरेका हुन् ।

सो कार्यक्रममा बैंकका प्रमुख कार्यकारी अधिकृत खालिङले बैंकको सहयोगले आश्रममा आश्रित बेसहारा, असहाय, अशक्त, अभिभावकविहीन, शारीरिक तथा मानसिकरूपमा अतिकमजोर सडक आश्रित मानवहरूको उद्धार, उपचार, संरक्षण र पालनपोषणमा थप टेवा पुग्ने बताएका छन् ।

साथै, आश्रमका गण्डकी प्रदेशका संयोजक लामाले एभरेष्ट बैंकको  सहयोगले आश्रममा आश्रित सम्पूर्ण मानवहरूले शुलभ सेवा लाभ लिनसक्ने उल्लेख गरिन् ।