काठमाडौं । नेपाल उद्याग वाणिज्य महासंघका अध्यक्ष चन्द्रप्रसाद ढकालले अर्थतन्त्रमा देखिएको समस्या सबैको समस्या भएको बताएका छन् ।

 बुधबार बाह्रखरी मिडियाले आयोजना गरेको ‘निजी क्षेत्रको आवाज’ विषयक छलफल कार्यक्रममा ढकालले अहिलेको समस्या सरकार, निजी क्षेत्र (उद्योगी, व्यापारी, बैंकर) सबैको समस्या भएको बताए ।

अहिले देखिएको समस्या समाधान गर्न सरकार, निजी क्षेत्र सबैले ध्यान दिनुपर्नेमा जोड दिए । उनले जनतामा विश्वास बढाउन सकिए अर्थतन्त्रमा सुधार गर्न सकिने बताए ।

“अहिले अर्थतन्त्रमा जुन खालका समस्या देखिएको छ । त्यो निजी क्षेत्रको मात्र नभएर सरकार र सबै क्षेत्रको समस्या हो,” उनले भने, “हामीले पब्लिकमा कन्फिडेन्स बढाउन सकेमा अर्थतन्त्र चलायमान बनाउन सकिन्छ । अब सबैको ध्यानमा त्यसतर्फ हुन जरुरत छ ।”