काठमाडौं । अखिल नेपाल फुटबल संघ (एन्फा)ले नेपाली राष्ट्रिय फुटसल टिमको प्रशिक्षकमा गौरव बस्नेतलाई नै निरन्तरता दिएको छ ।

एन्फाले एएफसी फुटसल एसियन कप २०२४ को छनोटका लागि बस्नेतलाई नै नेपाली फुटसल टिमको मुख्य प्रशिक्षणको जिम्मेवारी सुम्पिएको हो  ।

बस्नेतसँगै सहायक प्रशिक्षकमा थम्मन भुसाल नियुक्त भएका छन् । एन्फाका महासचिव किरण राईले सोमबार दवैलाई प्रशिक्षकको नियुक्ति पत्र सुम्पिए ।

छनोटको समूह ‘डी’ मा रहेको नेपालसँगै यो समूहमा मंगोलिया, दक्षिण कोरिया र भियतनाम छन् । मंगोलियामा हुने छनोट अक्टोबर ७ देखि ११ सम्म हुनेछ ।

बस्नेत यसअघि सन् २०२२ मा कीर्गिस्तानको बिस्केकमा भएको एएफसी एसिया फुटबल कप छनोटमा पनि नेपाली टिमको मुख्य प्रशिक्षकको जिम्मेवारीमा थिए ।