site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
कुलमानको 'नारा' व्यवहारमा लागु भएन, पाँच वर्षमा भित्रियो पौने ११ खर्बको इन्धन

काठमाडौं । नेपाल विद्युत प्राधिकरणका प्रबन्ध निर्देशक कुलमान घिसिङले पछिल्ला वर्ष बारम्बार भन्दै आएका छन्– स्वदेशी विद्युतको खपत बढाऔँ, विदेशबाट आउने इन्धनको खपत घटाऔँ ।

तर, व्यवहारमा उनको 'नारा' लागु भएको छैन । भारतबाट आउने इन्धन (डिजेल, पेट्रोल र एलपी ग्यास)को मात्रा बढी नै रहेको छ । 

भन्सार विभागका अनुसार पछिल्लो पाँच वर्षमा नेपालले भारतबाट १० खर्ब ७९ अर्ब १६ करोड ६३ लाख ६० हजार रुपैयाँको डिजेल, पेट्रोल र एलपी ग्यास आयात गरेको छ । जुन गत आर्थिक वर्ष २०७९/८० मा नेपाल सरकारले संकलन गरेको कुल राजस्वभन्दा बढी हो । 

अर्थ मन्त्रालयका अनुसार गत आर्थिक वर्ष सरकारले १० खर्ब १० अर्ब ३९ करोड ४२ लाख रुपैयाँ राजस्व संकलन गरेको थियो । 

भन्सार विभागले उपलब्ध गराएको तथ्याङ्कले पछिल्ला वर्षहरूमा नेपाल भित्रिने इन्धनको भार कसरी बढिरहेको छ भन्ने स्पष्ट देखाउँछ । 

आर्थिक वर्ष २०७५/७६ मा नेपालले एक खर्ब ९० अर्ब ९८ करोड ५८ लाख ८२ हजार रुपैयाँको डिजेल, पेट्रोल र एलपी ग्यास आयात गरेको थियो । उक्त वर्ष एक खर्ब १९ अर्ब ८८ करोड ८४ लाख ८३ हजार रुपैयाँको डिजेल, ३५ अर्ब ५४ करोड ८९ लाख ३५ हजार रुपैयाँको पेट्रोल र ३५ करोड ५४ करोड ८४ लाख ६६ हजार रुपैयाँको एलपी ग्यास नेपाल भित्रिएको थियो । 

आर्थिक वर्ष २०७६/७७ मा नेपालले एक खर्ब ४३ अर्ब ६९ करोड ४५ लाख ८३ हजार रुपैयाँको डिजेल, पेट्रोल र एलपी ग्यास आयात गरेको थियो । सो वर्ष ८७ अर्ब ३७ करोड ९८ लाख ७० हजार रुपैयाँको डिजेल, २८ अर्ब ३६ करोड ५७ लाख ९९ हजार रुपैयाँको पेट्रोल र २७ अर्ब ९४ करोड ८९ लाख १५ हजार रुपैयाँको एलपी ग्यास नेपाल भित्रिएको थियो । 

आर्थिक वर्ष २०७७/७८ मा नेपालमा एक खर्ब ६० अर्ब ५४ करोड ४४ लाख ६० हजार रुपैयाँको डिजेल, पेट्रोल र एलपी ग्यास भित्रिएको विभागको तथ्याङ्कले देखाउँछ । यो वर्ष नेपालले ९१ अर्ब ९४ करोड ८१ लाख ९२ हजार रुपैयाँको डिजेल, ३६ अर्ब १५ करोड २९ लाख ११ हजार रुपैयाँको एलपी ग्यास र ३२ अर्ब ४४ करोड ३३ लाख ५६ हजार रुपैयाँको पेट्रोल आयात गरेको थियो । 

अघिल्ला आर्थिक वर्ष २०७८/७९ मा नेपालले तीन खर्ब ५ अर्ब १७ करोड २५ लाख ३३ हजार रुपैयाँको डिजेल, पेट्रोल र एलपी ग्यास आयात गरेको थियो । यो वर्ष हालसम्मकै सबैभन्दा बढी इन्धन नेपाल भित्रिएको थियो ।

आर्थिक वर्ष २०७८/७९ मा नेपालले एक खर्ब ६८ अर्ब २३ करोड ३२ लाख ६८ हजार रुपैयाँको डिजेल, ७१ अर्ब ३८ करोड ८२ लाख ८८ हजार रुपैयाँको पेट्रोल र ६५ अर्ब ५५ करोड ९ लाख ७७ हजार रुपैयाँको एलपी ग्यास आयात गरेको थियो । 

गत आर्थिक वर्ष २०७९/८० मा नेपालले दुई खर्ब ७८ अर्ब ७६ करोड ८९ लाख २ हजार रुपैयाँको डिजेल, पेट्रोल र एलपी ग्यास आयात गरेको थियो । उक्त वर्ष एक खर्ब ५३ अर्ब ७६ करोड ९९ लाख ८० हजार रुपैयाँको डिजेल, ६६ अर्ब ८४ करोड ४८ लाख ८ हजार रुपैयाँको पेट्रोल र ५८ अर्ब १५ करोड ४१ लाख १४ हजार रुपैयाँको एलपी ग्यास नेपाल भित्रिएको थियो । 

पछिल्ला पाँच वर्षको तथ्याङ्क हेर्दा प्रत्येक वर्ष औसतमा भारतबाट नेपालमा दुई खर्ब १५ अर्ब रुपैयाँभन्दा बढीको इन्धन भित्रिने गरेको देखिन्छ ।

प्रकाशित मिति: बिहीबार, साउन २५, २०८०  १५:५५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro