देश
खोलामा डुबेर किशोरको मृत्यु, श्रीमान–श्रीमती बेपत्ता
जनकपुरधाम । धनुषामा खोलामा डुबेर एक किशोरको मृत्यु भएको छ । मंगलबार मिथिला नगरपालिका १ आनन्दपुरका १६ वर्षीय अजय यादवको मृत्यु भएको हो ।
उनी बसही खोलामा नुहाउने क्रममा डुबेका थिए । उनलाई उद्धार गरी अस्पताल लैजाने क्रममा मृत्यु भएको धनुषाका प्रमुख जिल्ला अधिकारी काशीराज दाहालले जानकारी दिए ।
दाहालका अनुसार कमला खोलामा श्रीमान श्रीमती बेपता भएका छन् । गणेशमान चारनाथ नगरपालिका ७ का ३५ वर्षीय साजन परियार र उनको श्रीमती ३० वर्षीया माया परियार बेपत्ता भएका हुन् ।
उनीहरुको खोजीकार्य भइरहेको छ । कमला खोलामा पानीको चाप बढेपछि जिल्ला प्रशासन कार्यालय धनुषाले स्थानीयलाई सचेत गराएको छ ।
प्रकाशित मिति: मंगलबार, साउन २३, २०८० १५:४०
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
