site stats
बाह्रखरी :: Baahrakhari
खेल
Global Ime bankGlobal Ime bank
नाइजेरियालाई पेनाल्टी सुटआउटमा हराउँदै इंग्ल्यान्ड क्वार्टरफाइनलमा 

काठमाडौं । नाइजेरियालाई पेनाल्टी सुटआउटमा इंग्ल्यान्ड फिफा महिला विश्वकपको क्वार्टरफाइनलमा प्रवेश गरेको छ । 

सोमबार अस्ट्रेलियाको ब्रिसबेनस्थित सनक्रप रंगशालामा सम्पन्न खेलको निर्धारित र अतिरिक्त समयमा पनि दुवै टिमले गोलरहित बराबरी खेलेपछि खेलको निर्णय पेनाल्टी सुटआउटबाट भएको हो । पेनाल्टीमा इंग्ल्यान्डले अफ्रिकी प्रतिद्वन्दी नाइजेरियाविरुद्ध ४–२ को जित निकाल्दै अन्तिम–८ मा स्थान पक्का गर्‍यो ।

पेनाल्टीमा इंग्ल्यान्डका बेथानी इंग्ल्यान्ड, राचेल ड्याली, एलेक्स ग्रिनवुड र कोल केलीले गोल गरे । इंग्ल्यान्डबाट पहिलो पेनाल्टी प्रहारका लागि आएकी जर्जिया स्टानवेको पेनाल्टी भने बाहिरिएको थियो । 

नाइजेरियाकी रसिदत अजिबाडे र क्रिस्टी उचेइबेले गोल गर्दा डिजायर ओपारानोजिया र मिचेल एलोजियाको प्रहार बाहिरिएको थियो ।

त्यसअघि खेलको ८७औँ मिनेटमा लौरेन जेम्स रातो कार्डको दर्शन गर्दै मैदानबाट बाहिरिएपछि इंग्ल्यान्ड १० खेलाडीमा सीमित बनेको थियो ।

यूईएफए महिला युरोपियन च्याम्पियनसिप–२०२२ को विजेतासमेत रहेको इंग्ल्यान्ड समूह ‘डी’ को विजेता र नाइजेरिया समूह ‘बी’ को उपविजेताको रूपमा प्रि–क्वार्टरफाइनल प्रवेश गरेका थिए ।

इंग्ल्यान्डले अब सेमिफाइनल प्रवेशका लागि कोलम्बिया र जमैकाबीचको विजेतासँग खेल्ने छ ।

प्रकाशित मिति: सोमबार, साउन २२, २०८०  १६:३५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro