काठमाडौं । आईसीसी क्रिकेट विश्वकप छनोटको सुपर सिक्समा घरेलु टोली जिम्बाब्वेले ओमानविरुद्ध १४ रनको जित निकालेको छ ।

बिहीबार बुलावाओस्थित क्विन्स स्पोर्ट्स क्लबमा जिम्बाब्वेले प्रस्तुत गरेको ३३३ रनको लक्ष्य पछ्याउने क्रममा ओमानले निर्धारित ५० ओभरमा नौ विकेट ३१८ रन मात्र बनाउन सक्यो ।

ओमानका ओपनर कश्यप प्रजापतिले १०३ रन बनाए पनि टिमको हार टार्न सकेनन् । उनले ९७ बलमा १२ चौका र एक छक्का प्रहार गरे ।

आयान खानले ४७, अकिब इल्यासले ४५, कप्तान जिसान मक्सुदले ३७ र मोहम्मद नदिमले ३० रन बनाए । नसिम खुशीले १२, सोएब खानले ११ र फयाज बटले १० रन जोडे ।

जिम्बाब्वेका टेन्डाई चतरा र ब्लेसिंग मुजराबानीले समान तीन विकेट लिए । रिचार्ड एन्गाराभाले दुई र सिकन्दर राजाले एक विकेट लिए ।

त्यसअघि टस हारेपछि ब्याटिङमा आएको जिम्बाब्वेले निर्धारित ५० ओभरमा सात विकेट गुमाएर ३३२ रनको योगफल खडा गरेको थियो ।

जिम्बाब्वेका सिन विलियम्सनले शतक प्रहार गरे । विलियम्सले १०३ बलमा १४ चौका र तीन छक्कासहित १४२ रन बनाए । विश्वकप छनोटमा विलियम्सको यो तेस्रो शतक हो ।

लुक जोङ्वेले ४३ र सिकन्दर राजाले ४२ रन थपे । कप्तान क्राइग एर्भिनले २५, वेस्ली भधेभेरेले २३, जोयलर्ड गम्बीले २१, र्यान बर्ललले १३ र रिचार्ड एन्गाराभाले ११ रन जोडे ।

ओमानका फयाज बटले चार विकेट लिए । १० ओभर बलिङ गरेका बटले ७९ रन बनाए । बिलाल खान, कलिमुल्लाह र जिसान मक्सुदले समान एक विकेट लिए ।

छनोटको सुपर सिक्समा जिम्बाब्वे र ओमानसँगै वेस्ट इन्डिज, श्रीलंका, स्कटल्यान्ड र नेदरल्यान्ड छन् । सुपर सिक्सबाट शीर्ष दुई टिमले यसै वर्ष भारतमा हुने एकदिवसीय विश्वकपमा स्थान बनाउने छन् ।