काठमाडौं । सिन विलियम्सनको शतकप्रेरित जिम्बाब्वेले आईसीसी क्रिकेट विश्वकप छनोट सुपर सिक्सको खेलमा ओमानसामु ३३३ रनको लक्ष्य प्रस्तुत गरेको छ ।

बिहीबार बुलावाओस्थित क्विन्स स्पोर्ट्स क्लबमा जारी खेलमा टस हारेपछि ब्याटिङमा आएको जिम्बाब्वेले निर्धारित ५० ओभरमा सात विकेट गुमाएर ३३२ रनको योगफल खडा गर्‍यो ।

जिम्बाब्वेबाट शतक प्रहार गरेका विलियम्सले १०३ बलमा १४ चौका र तीन छक्कासहित १४२ रन बनाए । विश्वकप छनोटमा विलियम्सको यो तेस्रो शतक हो ।

लुक जोङ्वेले ४३ र सिकन्दर राजाले ४२ रन थपे । कप्तान क्राइग एर्भिनले २५, वेस्ली भधेभेरेले २३, जोयलर्ड गम्बीले २१, र्यान बर्ललले १३ र रिचार्ड एन्गाराभाले ११ रन जोडे ।

ओमानका फयाज बटले चार विकेट लिए । १० ओभर बलिङ गरेका बटले ७९ रन बनाए । बिलाल खान, कलिमुल्लाह र जिसान मक्सुदले समान एक विकेट लिए ।

छनोटको सुपर सिक्समा जिम्बाब्वे र ओमानसँगै वेस्ट इन्डिज, श्रीलंका, स्कटल्यान्ड र नेदरल्यान्ड छन् । सुपर सिक्सबाट शीर्ष दुई टिमले यसै वर्ष भारतमा हुने एकदिवसीय विश्वकपमा स्थान बनाउनेछन् ।