काठमाडौं । प्रधानमन्त्री पुष्पकमल दाहाल 'प्रचण्ड'ले नेपालका तर्फबाट पहिलोपटक भारतसँग सीमा विवादबारे आफूले प्रष्टसँग राखेको दाबी गरेका छन् ।

सोमबार प्रतिनिधिसभा बैठकमा उनले भने, "मलाई लाग्छ यति प्रष्टसँग सिमानाको समस्या हल गर्नुपर्छ भनेर खुलस्त राखिएको मेरो बुझाइमा यो पहिलोपटक हो," प्रधानमन्त्रीले भने ।

उनले अगाडि थपे, “भारतको प्रधानमन्त्रीको हैसियतले सीमा समस्या समाधान हुन्छ, हिमालयको उचाइँमा सम्बन्ध पुर्‍याइन्छ मोदीले पनि भन्नुभयो । यसमा हामीले गर्व गर्नुपर्छ ।”