काठमाडौं । यामाहाले नेपाली बजारमा 'रे जेडआर १२५ हाइब्रिड' सार्वजनिक गरेको छ । कम्पनीले स्मार्ट मोटर जेनेरेटरसहितको यो स्कुटर नेपालको पहिलो हाइब्रिड स्कुटर भएको दाबी गरेको छ ।

उपभोक्ताको विभिन्न आवश्यकता र राइडरहरूको प्राथमिकता पूरा गर्न रे जेडआर १२५ हाइब्रिड स्कुटर स्टाण्डर्ड, डिलक्स, प्रिमियम र प्रिमियम प्लस गरी चार ट्रिममा उपलब्ध रहेको कम्पनीले जनाएको छ ।

स्कुटरमा शक्तिशाली एयर कुल्ड, फ्युल इन्जेक्टेड १२५ सीसी ब्लू कोर इन्जिन रहेको छ । रे जेडआर १२५ शृङ्खलाको हाइब्रिड भेरियन्टले स्मार्ट मोटर जेनेरेटरलाई गतिरोधको समयमा शक्ति सहायता प्रदान गर्ने कम्पनीको भनाइ छ ।

साइलेन्ट स्टार्टरको रूपमा समेत चिनिने यो नयाँ प्रणालीसँगै इलेक्ट्रिक पावर सपोर्टले इन्धनको बचत गर्ने कम्पनीले जनाएको छ ।

यसमा १४५ एमएमको ग्राउन्ड क्लियरेन्स, ९९ किलोग्रामको उल्लेखनीय तौल, युनिफाइड ब्रेकिङ सिस्टम (यूबीएस), साइड स्ट्यान्ड इन्जिन कट-अफ फङ्सन र २१ लिटर अन्डर-सिट भण्डारण जस्ता सुविधा रहेको छ ।

यामाहा नेपालका सीईओ राजु क्षेत्रीले रे जेडआर १२५ हाइब्रिड सिरिज सार्वजनिक गर्न पाएको खुसी व्यक्त गरेका छन् ।

रे जेडआर १२५ हाइब्रिडको बेसिक मोडेल स्ट्यान्डर्ड रियर ड्रमको मूल्य दुई लाख ७९ हजार ९०० रूपैयाँ रहेको छ ।