विराटनगर । विराटनगर महानगरपालिकाले आफ्नो पहिचान दिलाउने छुट्टै लोगो बनाएको छ । सार्वजनिक सूचना आह्वान गरेर सर्वसाधारणबाट लोगोको ‘डिजाइन’ माग गरिएको थियो । विहीबार साँझ महानगरले एक कार्यक्रम गरी प्राप्त भएका १५८ मध्ये नरकुमार श्रेष्ठले डिजाइन गरेको लोगो छनोट गरेको हो । छनोट गर्न उपमेयर शिल्पा निराला कार्कीको संयोकत्वमा चार सदस्यीय समिति गठन भएको थियो । 

श्रेष्ठले डिजाइन गरेको लोगोमा नेपालको नक्सा, विराटनगरमा भएका विभिन्न राजीनिक आन्दोलनको चित्र, विराट राजाको दरबार, राधाकृष्ण रथयात्रा, विमानस्थललगायत विराटनगरलाई चिनाउने संकेत समेटिएको छ ।

श्रेष्ठले उत्कृष्ट भएवापत नगद एक लाख रुपैयाँ पुरस्कारसमेत प्राप्त गरेका छन् । त्यस अवसरमा मेयर कोइरालाले विराटनगरले अब आफ्नै लोगो प्रचलनमा ल्याउने बताए । 

एक वर्षको अवधिमा नाला सफाइलाई गति दिइएको उनले बताए । उपमेयर कार्कीले जनताले चाहना गरेअनुरुप काम गर्न नसकेको बताइन् ।