काठमाडौं । नेपाल प्रहरीले नक्कली भुटानी शरणार्थी प्रकरणको अनुसन्धान प्रतिवेदन बुझाएको छ । सोमबार जिल्ला प्रहरी परिसर काठमाडौंको टोलीले सरकारी वकिलको कार्यालय काठमाडौंमा प्रतिवदेन बुझाएको हो ।

सरकारी वकिलको कार्यालयमा उक्त प्रतिवेदनको दर्ता नम्बर ४६६१ उल्लेख छ । दर्ता मिति ‘२०८०/०२/०८’ भन्ने पनि उल्लेख छ ।

• नक्कली शरणार्थी प्रकरण : आरोपपत्रसहितको प्रतिवेदन सरकारी वकिलको कार्यालयमा (तस्बिरहरू)

प्रहरीले बुझाएको प्रतिवेदन अब सरकारी वकिलको कार्यालयले अध्ययन गर्नेछ । त्यसपछि कार्यालयले आरोपितमाथि मुद्दा चलाउनुपर्ने वा नपर्ने निर्णय गर्नेछ । मुद्दा चलाउनुपर्ने देखिएका आरोपितलाई अभियोगसहित अदालतमा पेस गर्नेछ ।