काठमाडौं । महालेखापरीक्षक टंकमणि शर्मा दंगालले बेरुजु लेखापरीक्षकले निकाल्ने काम हो भन्ने रुपमा मात्रै लिन थालिएको बताएका छन् । 

आइतबार बसेको लेखा समितिको बैठकमा बोल्दै महालेखापरीक्षक शर्माले पछिल्लो समय कुनै पनि निकायले बेरुजु फस्र्यौट गर्नुपर्छ भन्नेभन्दा पनि लेखापरीक्षकको काम भएको भन्ने रुपमा लिन लागिएको भन्दै गुनासो गरे । 

लेखापरीक्षकको कार्यालयले देखाएको बेरुजुका विषयमा आगामी दिनमा बेरुजु हुन नदिनेभन्दा पनि बेरुजु फस्र्यौटको विषयलाई प्राथमिकतामा लिन छोडिएको उनले बताए । बेरुजु फस्र्यौटको वैज्ञानिक उपाय एक वर्षमा उठेको बेरुजु त्यही वर्षमा खर्च गर्नु रहेको उनले बताए । 

महालेखापरीक्षक शर्माले जनप्रतिनिधिहरुलाई बदनाम गर्ने गरी बेरुजु देखाउन लेखापरीक्षकहरुलाई नैतिक, वैधाननिक र व्यवहारिक रुपमा पनि नदिने बताए । लेखापरीक्षकहरुले अहिलेसम्म त्यस्तो काम नगरेको बताउँदै उनले जिम्मेवार व्यक्तिले मेरो लेखापरीक्षकले यस्तो ग¥यो भनेर राजनीतिक तहले बढवा दिनेभन्दा पनि त्यस्तो कामको निषेध गर्न आवश्यक रहेको बताए । 

उनले सार्वजनिक संस्थानहरुमा राजनीतिक नियुक्ति गर्दा विगतको कार्यसम्पादन हेरेर गर्न आवश्यक रहेको बताए । राजनीतिक नियुक्तिहरुमा तुलना गरेर बेरुजु बढी राख्ने र आर्थिक हिनामिना गर्नेहरुलाई कारबाही गर्न आवश्यक रहेको पनि उनको भनाइ छ ।