काठमाडौं । नोभाक जोकोभिचले आफूलाई रोजर फेडेरर, राफेल नाडाल र एन्डी मरेजस्ता कठिन प्रतिद्वन्द्वीले बलियो बनाएको बताएका छन् । आइतबार इटालियन ओपनको अन्तिम–१६ मा स्थान बनाएपछि जोकोभिचले समकालीन ‘बिग फोर’को प्रतिद्वन्द्वीका कारण आफूमा अझ निखारता आएको बताएका हुन् । 

३५ वर्षे जोकोभिचले आइतबार ग्रिगोर दिभित्रोभलाई २–१ को सेटमा हराउँदै इटालियन ओपनको अन्तिम–१६ मा स्थान बनाएका हुन् । दुई घण्टाभन्दा बढी चेलेको भिडन्तमा जोकोभिचले ६–३, ४–६, ६–१ को स्कोरमा विजय हासिल गरेका हुन् । 

“भाग्यवस, खेल करिअरको कठिन परिस्थितिमा खेल्दा मैले हारभन्दा धेरै जित हासिल गरेको छु,” जोकोभिचले भने, “केही वर्षयता जब मलाई त्यो अन्तिम चरणमा पुग्न वा ग्रान्डस्लाम जित्न आवश्यक पर्यो । मैले त्यो गर्न सकिनँ । त्यसबाट मैले धेरै कुरा सिकेँ । विशेष गरी फेडेरर, नाडाल र मरेसँगको प्रतिस्पर्धाका कारण म बलियो भएँ ।”

जोकोभिच, फेडेरर, नाडाल र मरेलाई टेनिसमा ‘बिग फोर’को उपमाबाट चिनिन्छ । किनभने उनीहरूले संयुक्त रुपमा ६७ ग्राण्डस्लामको उपाधि जितेका छन् । टेनिसमा पछिल्लो दुई दशक यिनै चारजनाको अभुतपूर्व प्रभुत्व बर्चश्व रहेको छ । त्यसमा केही अविस्मरणीय खेलहरूमा संलग्न छन् ।
 
“खेलिरहनु धैर्य गर्नु तथा प्रक्रिया र यात्रामा विश्वास गर्नु, “ जोकोभिच भन्छन्, “तपाईंका लागि कुन कुराले राम्रो काम गर्छ । मानसिक, शारीरिक र भावनात्मक रूपमा तपाइँको जित्ने सूत्र के हो ? भनेर बुझ्ने र त्यसपछि यसलाई अडिग रहनुपर्छ ।”

जोकोभिच यसै महिनाको अन्त्यमा हुने फ्रेन्च ओपनमा कीर्तिमानी २३औँ ग्राण्डस्लाम जित्ने लक्ष्यमा हुनेछन् । त्यसको तयारी स्वरूप जोकोभिचले मंगलबार रोममा हुने क्वार्टरफाइनलमा स्थान बनाउन बेलायती क्यामरुन नोरीविरुद्ध प्रतिस्पर्धा गर्नेछन् ।