site stats
बाह्रखरी :: Baahrakhari
प्रविधि
Global Ime bankGlobal Ime bank
अब ट्विटरमै अडियो र भिडियो कल गर्न सकिने

काठमाडौं । ट्विटरका प्रमुख कार्यकारी एलन मस्कले ट्विटरमा इन्क्रिप्टेड म्यासेज र अडियो एवं भिडियो कल पनि गर्न सकिने फिचरबारे जानकारी गराएका छन् । मस्कका अनुसार बुधबारदेखि नै ट्विटरमा इन्क्रिप्टेड म्यासेज उपलब्ध भइसकेको छ । 

मस्कले गत वर्ष ट्विटर २.० योजनाहरुबारे टिप्पणी गर्दै यसलाई सम्पूर्ण एप बनाउने संकेत गरेका थिए । जसअन्तर्गत इन्क्रिप्टेड म्यासेज, लामो ट्विट र ट्विटरबाटै भुक्तानी गर्न सकिनेसम्मका फिचर हुने बताइएको थियो ।

मस्कले ट्विट गर्दै चाँडै नै ट्विटरबाट प्रयोगकर्ताले आफ्नो अकाउन्टबाट जो सकुैलाई पनि भ्वाइस र भिडियो कल गर्न सक्ने बताएका छन् । 

मस्कले ट्विट गरेका छन्, “तपाईँको ह्यान्डलबाट जो कोहीसँग भ्वाइस र भिडियो च्याट हुनेछ । यसो हुँदा तपाई आफ्नो फोन नम्बर नदिएरै संसारको जुनसुकै ठाउँमा मानिसहरूसँग कुरा गर्न सक्नुहुन्छ ।”

ट्विटरमा कल गर्न सकिने फिचर आएसँगै यसले प्लेटफर्मलाई मेटाका फेसबुक र इन्स्टाग्रामसँग मिल्दोजुल्दो बनाउनेछ । ट्विटरले यसै हप्ता वर्षौंदेखि निष्क्रिय रहेका अकाउन्टहरू हटाउने र अर्काइभ गरेर राख्न थाल्ने बताएको छ ।

प्रकाशित मिति: बिहीबार, वैशाख २८, २०८०  १६:०६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro