काठमाडौं । रुपन्देहीको भैरहवास्थित गौतमबुद्ध अन्तर्राष्ट्रिय विमानस्थलमा उडान र अवतरण पुनः नियमित भएको छ ।

सोमबार बिहान भैरहवाबाट काठमाडौंतर्फ उडेको श्री एयरलाइन्सको एउटा जहाजको ल्यान्डिङ गियरमा समस्या आएको थियो । त्यसपछि उक्त जहाज भैरहवामै आकस्मिक अवतरण गरिएको थियो । जहाज रनवेमा रोकिएपछि करिब ५० मिनेट विमानस्थल अवरुद्ध भएको थियो ।

उक्त जहाजलाई रनवेबाट पन्छाएर पार्किङस्थलमा लगिएको छ । रनवेमा ‘चेक’ गरेर उडान र अवतरण नियमति गरिएको नेपाल नागरिक उड्डयन प्राधिकरणका सहप्रवक्ता ज्ञानेन्द्र भुलले जानकारी दिए ।