काठमाडौं । नेपाली बक्सर विजय बाटा र त्रिशा जवेगु थाइल्यान्डको बैंककस्थित ह्वामार्क इन्डोर स्टेडियममा जारी एएसबीसी एसियन यू–२२ बक्सिङ च्याम्पियनसिपको सेमिफाइनलमा पराजित भएका छन् ।

महिलातर्फ ७५ केजी ताैल समूहमा त्रिशा जवेगु काजिकिस्तानी एरजन गुल्सायसँग जनवरी २२ तारिखमा अंककाे आधारमा र पुरुष ८६ केजी ताैल समूहका नेपाली मुक्केबाज विजय बाटा जनवरी २३ मा इन्डाेनेसियन मुक्केबाज माेसकिता माईकलसँग सेमिफाइनल खेलमा आरएसीकाे आधारमा पराजित भएका छन् । 

४८ किलो तौल समूहमा भएको सेमिफाइनल खेलमा मंगोलियाका प्रतिद्वन्दी बेस्येन्वेई जर्नागुलीलाई तेस्रो राउन्डमा रेफ्री स्टोप कन्टेस्ट (आरएससी) को आधारमा पराजित गर्दै नेपाली मुक्केबाज सुस्मा तामाङ फाइनल प्रवेश गरेकी छन् ।

तामाङले क्वाटर फाईनलमा भेतनामकी क्युनहानलाई ५:० अंककाे आधारमा जित हासिल गरेकी थिइन् । 

नेपालले एएसबीसी एसियन यू–२२ बक्सिङ च्याम्पियनसिप २०२३ मा तीन कास्यपदक जितिसकेकाे छ ।