site stats
राजनीति
समानुपातिक मत : एमाले पाँच प्रदेशमा अगाडि, कांग्रेस र माओवादी एक/एकमा 

काठमाडौं । यही मंसिर ४ गते भएको प्रदेशसभा सदस्य निर्वाचनको मतपरिणाम आउने क्रम जारी छ । निर्वाचन आयोगका अनुसार बिहीबार बेलुका ६ बजेसम्म प्रदेशसभाको समानुपातिकतर्फ नेकपा (एमाले) चार प्रदेशमा पहिलो स्थानमा छ । नेपाली कांग्रेस र नेकपा (माओवादी केन्द्र) एक/एक प्रदेशमा अगाडि छन् ।

प्रदेश–१ मा एमाले पहिलो 
समानुपातिकतर्फ प्रदेश–१ मा एमाले पहिलो स्थानमा छ । अहिलेसम्म एमालेले एक लाख २६ हजार ३१७ मत पाएको छ । दोस्रो स्थानमा रहेको कांग्रेसले एक लाख १४ हजार ४८५ मत ल्याएको छ ।

तेस्रोमा रहेको माओवादी केन्द्रले ४६ हजार ५६१ मत पाएको छ । चौथो स्थानमा रहेको राप्रपाले ४३ हजार ३३८, पाँचौँ स्थानमा रहेको जसपाले १९ हजार १३८ र छैटौँ स्थानमा रहेको नेकपा (एकीकृत समाजवादी)ले नौ हजार ४०२ मत ल्याएको छ । सातौँ स्थानमा रहेको जनमत पार्टीले ६ हजार ५७८ मत प्राप्त गरेको छ ।

NMB Bank
Agani Group

मधेसमा कांग्रेस अगाडि
समानुपातिकतर्फ मधेस प्रदेशमा नेपाली कांग्रेस अगाडि छ । कांग्रेसले हालसम्म ४० हजार ६९० मत पाएको छ । दोस्रोमा रहेको एमालेले ३४ हजार ११२ मत ल्याएको छ ।

जनमत पार्टीको मत तेस्रोमा छ । जनमतको २८ हजार १९५ मत छ । चौथोमा रहेको जसपाको २८ हजार १९५, पाँचौँ स्थानमा रहेको माओवादी केन्द्रले १५ हजार ३३६ मत पाएको छ ।

Global bank

छैटौँ स्थानमा रहेको लोसपाले ११ हजार २४ मत प्राप्त गर्दा एकीकृत समाजवादीले १० हजार ७१९, राप्रपाले सात हजार ८०५, नेपाल संघीय समाजवादीले ६ हजार ८९ र नागरिक उन्मुक्ति पार्टीले चार हजार ९४७ मत ल्याएको छ ।

वाग्मतीमा एमाले पहिलो 
वाग्मती प्रदेशमा एमाले एक लाख २३ हजार ५७४ मतसहित पहिलो स्थानमा छ । कांग्रेस एक लाख १२ हजार २१५ मतसहित एमालेलाई पछ्याइरहेको छ । यहाँ राप्रपा ६३ हजार ४० मतसहित तेस्रो, नेपाल मजदुर किसान पार्टी ५५ हजार २०९ मतसहित चौथो स्थानमा छ । माओवादी केन्द्र ४४ हजार ९५० मतसहित पाँचौँ स्थानमा रहँदा हाम्रो नेपाली पार्टी २४ हजार ४५५ मतसहित छैटौँ स्थानमा छ । सातौँ स्थानमा रहेको एकीकृत समाजवादीले १५ हजार ४९७ मत पाएको छ ।

गण्डकीमा पनि एमाले पहिलो 
समानुपातिकतर्फ गण्डकी प्रदेशमा पनि एमाले नै पहिलो स्थानमा छ । एमालेले एक लाख ४१ हजार ८१५ मत पाएको छ । दोस्रो स्थानमा रहेको कांग्रेसले एक लाख २७ हजार २३१ मत पाएको छ । माओवादी केन्द्र ७१ हजार ९५४ मत ल्याउँदै तेस्रो स्थानमा छ । राप्रपाले २३ हजार ९५१, एकीकृत समाजवादीले आठ हजार ८३७ मत प्राप्त गरेको छ । हाम्रो नेपाली पार्टीले आठ हजार ८०३ पाउँदा राष्ट्रिय जनमोर्चाले आठ हजार ४७५ मत ल्याएको छ ।

लुम्बिनीमा एमाले नै अगाडि
लुम्बिनी प्रदेशमा पनि एमाले अगाडि छ । एमालेले एक लाख ७१ हजार १७२ मत प्राप्त गरेको छ । दोस्रो स्थानमा रहेको कांग्रेसले एक लाख ४४ हजार ९२६ मत पाएको आयोग जनाएको छ । माओवादी केन्द्र ४९ हजार ८१५ मतसहित तेस्रो, राप्रपा ४१ हजार ८२९ मतसहित चौथो स्थानमा छ । नागरिक उन्मुक्ति पार्टी २० हजार ७८१ मतसहित पाँचौँ स्थानमा छ । जसपाले १५ हजार ८२६, एकीकृत समाजवादीले ११ हजार ५१ र जनमत पार्टीले १० हजार ७४४ मत ल्याएको छ ।

कणालीमा माओवादी अगाडि   
कर्णाली प्रदेशमा माओवादी केन्द्र ३५ हजार ५६८ मतसहित पहिलो स्थानमा छ । एमाले २० हजार ५३० मतसहित दोस्रो स्थानमा रहँदा कांग्रेसले १३ हजार २६९ मत प्राप्त गरेको छ । एकीकृत समाजवादीले चार हजार ५२६ मत पाउँदा राप्रापाले दुई हजार ६९९ मत ल्याएको छ ।

सुदूरपश्चिममा एमाले अगाडि 
सुदूरपश्चिम प्रदेशमा पनि एमाले अगाडि छ । एमालेले पाँच हजार ९७० मत पाएको छ । दोस्रो स्थानमा रहेको कांग्रेसले चार हजार ३३८ मत पाउँदा माओवादी केन्द्र तीन हजार ९८ मतसहित तेस्रो स्थानमा छ । नागरिक उन्मुक्ति पार्टीले दुई हजार ३३१ मत प्राप्त गर्दा राप्रपाले एक हजार ३३९ मत ल्याएको आयोगले जनाएको छ ।

प्रकाशित मिति: बिहीबार, मंसिर ८, २०७९  १८:४१
प्रतिक्रिया दिनुहोस्
सम्पादकीय