site stats
विदेश
पाकिस्तानी सेना प्रमुखकाे परिवारको गोप्य कर दस्ताबेज चुहियो

इस्लामावाद । पाकिस्तान सरकारले सेना प्रमुख जनरल कामार जावेद बाज्वाको सम्पत्तिबारे चुहावट भएको गोप्य कर दस्ताबेजहरूमाथि छानबिन गर्न आदेश दिएको छ ।

बाज्वाको परिवारले उनको कार्यकालमा जम्मा गरिएको अर्बाैँ रुपैँया बराबरको सम्पत्तिसम्बन्धी विवरण समेटिएको प्रतिवेदनलाई एउटा अनलाइन न्यूज पोर्टलले प्रकाशित गरेको हो । 

सोमबार पाकिस्तानको अर्थ मन्त्रालयले जारी गरेको एक विज्ञप्तिअनुसार अर्थमन्त्री इसाक दारले जनरल बाज्वाको परिवारका सदस्यहरूको अवैध तथा अनुचति कर सूचना चुहावट भएकोमा गम्भीर ध्यान पुर्‍याएका छन् । 

NMB Bank
Dabur nepal
Agani Group

सो विज्ञप्तिमा प्रधानमन्त्री सहनवाज सरिफका राजश्व मामिलासम्बन्धी विशेष सहयोगी तरिक मेहमुद पासाले यस विषयमाथि छानबिन गरी २४ घण्टाभित्र प्रतिवेदन बुझाउने उल्लेख गरिएको छ । 

फ्याक्ट फोकस न्यूज पोर्टलले सन् २०१६ मा बाज्वा शक्तिशाली पदमा नियुक्त भए यता उनको परिवारका सदस्यहरू अर्बपति बनेको खबर सार्वजनिक गरेपछि सरकारले अनुसन्धानका लागि आदेश दिएको हो । 

Global bank

दक्षिण एसियाली मुलुक पाकिस्तानमा सैनिक मामिलामाथि रिपोर्टिङ गर्नुलाई निकै संवेदनशील मानिन्छ ।

पाकिस्तानमा निर्वाचित सरकारहरूमाथि समेत सैनिक संस्थाको बलियो पकड रहने गरेको छ । 

सन् १९४७ मा पाकिस्तानको जन्म भएदेखि स्वाधीनताको इतिहासमा सेनाले झन्डै आधा समय त्यहाँ प्रत्यक्ष शासन गरेको पाइएको छ ।

अमेरिकामा रहेका पाकिस्तानी पत्रकार अहमद नूरानीले बाज्वाले सेना प्रमुखको पद सम्हाले यता उनकी पत्नी र परिवारका अन्य सदस्यहरूले रियल स्टेट, तेल व्यवसायमा लागनी गर्नुका साथै विदेशमा पैसा जम्मा पारेको समाचार सार्वजनिक गरेका छन् । छ वर्ष लामो कार्यकालपछि आगामी २९ नाभेम्बरमा बाज्वाले अवकाश लिँदैछन् । ब्लूमबर्गबाट

प्रकाशित मिति: बुधबार, मंसिर ७, २०७९  ०३:१२
प्रतिक्रिया दिनुहोस्
सम्पादकीय