site stats
प्रवास
नेपाली मुलकी सराहाना श्रेष्ठले जितिन् अमेरिकी मध्यावधि चुनाव 

न्युयोर्क । नेपाली मूलकी अमेरिकी तथा स्वास्थ्य तथा जलवायु अभियन्ता सराहाना श्रेष्ठले न्युयोर्क राज्यसभाको चुनावमा निर्वाचित भएकी छन् । अमेरिकाको मध्यावधि चुनावको नतिजा आउने क्रममा पहिले भविष्यवाणी गरिएजस्तो डेमोक्रेटको अवस्था नराम्रो छैन ।

आफ्नो जन्मथलो नेपालमा आमनिर्वाचन हुन १० दिन मात्र बाँकी रहँदा ४१ वर्षीया सराहनाले डेमोक्रेटिक पार्टीबाट चुनाव जितेकी हुन् ।  

श्रेष्ठ नेपालको राजधानी काठमाडौंका मुल वासिन्दा हुन् । उनले आफ्ना प्रतिद्वन्द्वी तथा रियल स्टेटका टाइकुन प्याट्रिक सिहानलाई ३५ हजार ४९३ मत ल्याएर पराजित गरेकी हुन् । सिहानले २३ हजार १०४ मत ल्याएका छन् । श्रेष्ठले मंगलबार न्युयोर्क राज्य जिल्लासभाको १०३ औँ सिट जितेकी हुन् । 

NMB Bank
Agani Group

उनी ज्ञानेन्द्र दास र सीमा श्रेष्ठका तीन सन्तानमध्ये पहिलो हुन् । उनी फोटोग्राफर परिवारमा हुर्केकी हुन् । श्रेष्ठ सन् २०१९ मा अमेरिकी नागरिक बनेकी थिइन् । उनी स्वच्छ, नवीकरणीय र किफायती बिजुली आपूर्तिको विकासमा केन्द्रित जलवायु–सम्बन्धित प्लेटफर्मको अभियन्ता हुन् । उनी मिड–हडसन भ्याली च्याप्टर अफ डेमोक्रेटिक सोसिलिस्ट अफ अमेरिका का लागि युल्स्टर काउन्टिका उपाध्यक्ष तथा नविकरणीय उर्जा तथा जलवायु कार्यमा केन्द्रित एक गठबन्धन संस्था पब्लिक पावर एनवाइका नेता हुन् । 

श्रेष्ठले भनेकी छन्, “युद्ध र वातावरणीय प्रकोपबाट प्रभावित विश्वमा के हुन्छ भन्नेबारे धेरै मानिसहरूको आवाज छैन । एक अमेरिकी नागरिकका हैसियतले हामीले धेरै गर्न सक्छौँ ।"

Global bank

अमेरिका जानुअघि सन् १९९७ मा एसएलसी परीक्षा दिएर बसेको फुर्सतको समयमा श्रेष्ठले काठमान्डु युथ म्यागजिन 'जिङ !'को सम्पादन तथा प्रकाशन गरेकी थिइन् । त्यसपछि उनले तीन वर्षसम्म इमेज एफएम ९७.९ मा रेडियो कार्यक्रम प्रस्तोता र निर्माताको रूपमा काम गरेकी थिइन् । उनी आफैँ एक समर्पित फोटोग्राफर र भिडियोग्राफर पनि हुन् । 

सन् २००१ म अमेरिकाको न्युयोर्कस्थित एउटा कलेजमा उच्च शिक्षा हासिल गर्नु अघि ग्राफिक डिजाइन र वेबसाइट डेभलपको स्वज्ञान आर्जन गरेकी श्रेष्ठ पियानो र गिटार पनि राम्रो बजाउँछिन् । 

उनले नेपालमा युवाहरूमाझ प्रजातनत्र, बहुलवाद र स्वतन्त्र प्रेसबारे सचेतना फैलाउनका लागि 'समुदाय डट अर्ग' नामक वेबसाइट खोलेकी थिइन् । तर सन् २००५ मा राजा ज्ञानेन्द्रले सत्ता हत्याएपछि यो साइट माथि प्रतिबन्ध लगाइएको थियो । 

अमेरिकीकामा पनि उनले न्याय, वातावरण र निष्पक्षताको अभियान जारी नै राखेकी थिइन् ।

नेपाली टाइम्सबाट ।

प्रकाशित मिति: बुधबार, कात्तिक २३, २०७९  २१:१४
प्रतिक्रिया दिनुहोस्
सम्पादकीय