अमेरिका । नेपाल समुदायले मनाउँदै  आएको कुकुर तिहारका सन्दर्भमा टेक्सस युलेसमा पनि कुकुर पुजा गरिएको छ । उक्त अवसरमा एनिमल सेल्टर युलेसमा रहेका कुकुरलाई पुजा गरिएको थियो ।

कार्यक्रममा युलेस सिटी मेयर लिण्डा मार्टिन, सिटी मेनेजर लोरेटा,  सिटी डेपुटी मेनेजर क्रिस,  पब्लिक वोर्क अफिसर जो, युलेस सिटी काउन्सिल मेम्बर टीका लगायत पदाधिकारी र एनआरएनए अमेरिकाज क्षेत्रका आरसि राम पोखरेल, नेपाल अमेरिका पत्रकार संघ (नेजा)का  अध्यक्ष विकास राज न्यौपानेलगायत नेपालीको सहभागिता थियो ।  उक्त पुजाको उद्घाटन युलेस  सिटी मेयर लिण्डा मार्टिनले  कुकुरलाई नेपाली परम्परा अनुसार टिका माला लगाएका थिए ।  

युलेस सिटी काउन्सिल मेम्बर टीका पौडेलले  एनिमल सेल्टर युलेसलाई  ६ सय एक अमेरिकी डलर सहयोग पनि हस्तान्तरण गरेका थिए । युलेस सिटी नेपालीको ठुलो जनसंख्या रहेको स्थान हो ।  डीएफडब्लू अन्तर्राष्ट्रिय विमानस्थलसँगै रहेको युलेस सिटीमा करिब दश हजार नेपालीको बसोवास रहेको अनुमान छ ।