काठमाडौं । ओलम्पिकका स्वर्ण पदक जित्न सफल भारतका नीरज चोपराले चोटका कारण कमनवेल्थ गेम्स गुमाउने भएका छन् । भारतीय ओलम्पिक कमिटिले मंगलबार ज्याभलिन थ्रोका खेलाडी चोपराले बर्मिङ्घममा हुने प्रतियोगितामा खेल्न नसक्ने जनाएको छ ।

२४ वर्षीय चोपराले गत वर्ष टोकियोमा सम्पन्न ओलम्पिकमा ८७.५८ मिटर ज्याभलिन थ्रो गरेका थिए । यससँगै उनी एकल स्पर्धामा भारतबाट एथलेटिक्सबाट ओलम्पिकमा स्वर्ण पदक जित्ने पहिलो खेलाडी बन्न सफल भएका थिए ।

चोपराले गत साता अमेरिकामा जारी विश्व एथलेटिक्स च्याम्पियनसिपमा ८८.१३ मिटर थ्रो फालेका थिए । विश्व च्याम्पियनसिपमा चोपराले रजत पदक जितेका थिए । विश्व च्याम्पियनसिपमा चोपरा रजत पदक जित्ने पहिलो र पदक जित्ने दोस्रो खेलाडी बनेका छन् ।

यसअघि २०१३ मा भारतकी अञ्जु बब्बी जर्जले लङ जम्पमा काश्य पदक जितेका थिए । 

चोपराको ‘ग्रोइन’मा समस्या देखिएको बताइएको छ । हरियाणका चोपरालाई आरम गर्नका लागि सुझाव दिइएको छ ।

चोपराले २०१८ को एसियन गेम्स र कमनवेल्थ गेम्समा स्वर्ण पदक जितेका थिए । जुलाई २८ देखि अगस्ट ८ सम्म कमनवेल्थ गेम्सका चोपरालाई भारतको झन्डा बोक्ने जिम्मेवारी पनि दिइएको थियो ।