विराटनगर । मोरङका १७ स्थानीय तहमध्ये १० वटामा नेपाल कम्युनिस्ट पार्टी (एमाले) ले अग्रता कायम गरेको छ । प्रमुख र अध्यक्ष पदमा अघिल्लोपटक कांग्रेस विजयी भएका कतिपय पालिकाहरूमा समेत एमाले अगाडि छ । 

मंगलबार बिहानसम्मको प्रारम्भिक मतपरिणामअनुसार नेपाली कांग्रेस एक पालिकामा जित हासिल गरेको छ । ६ वटामा अग्रता कायम गरिरहेको छ । 

एमालेले उर्लाबारी, बेलबारी, पथरी शनिश्चरे, सुनवर्षी, रंगेली र लेटाङ नगरपालिकामा अग्रता कायम गरेको छ । यसैगरी, बुढीगंगा, धनपालथान, कानेपोखरी र केराबारी गाउँपालिकामा पनि एमालेका उमेदवारले गठबन्धनका उमेदवारभन्दा बढी मत प्राप्त गरेका छन् । 

यसैगरी, नेपाली कांग्रेस विराटनगर महानगरपालिका, सुन्दरहरैँचा नगरपालिका र रतुवामाई नगरपालिका अगाडि छ । यसैगरी, कटहरी, जहदा र ग्रामथा गाउँपालिकामा कांग्रेसका उमेदवार अगाडि रहेका छन् ।