site stats
बाह्रखरी :: Baahrakhari
अविच्युरी
Nabil BankNabil Bank
सम्झनामा सूर्यबहादुर केसी– हकी र दयालु 
Sarbottam CementSarbottam Cement

माइती नेपालको भवन बनाएको समयदेखि मैले सूर्यबहादुर केसीलाई चिनेको हो । मैले बुझेसम्म सूर्यबहादुर केसी मजस्तै स्वभावको हुनुहुन्थ्यो, हकी र दयालु । उहाँ निकै हकी र दयालु स्वभावको मैले पाएँ । उहाँमा समाजका लागि केही गर्नुपर्छ भन्ने सोच थियो, समाजका लागि धेरै गर्नु पनि भयो । 

मलाई लाग्छ उमेरमा उहाँ र म सँगै होला । देशभरका मान्छेले मलाई दिज्यु भनेकाले उहाँले पनि मलाई दिज्यु नै भन्नुहुन्थ्यो ।

मैले उहाँलाई सुरुमा ‘निर्माण व्यवसायी’ भनेर नै चिनेको हो । निर्माणकर्ता भएर नै चिनेको हो । माइती नेपालको भवन बनाउन झण्डै दुईवर्ष लाग्यो । त्यो दुई वर्षको दौरानमा मैले उहाँलाई बडो हकी, निर्माणको गुणस्तरमा ‘कम्परमाइज’ नगर्ने व्यक्तिको रुपमा चिने । उहाँले पैसा लिएर बनाइदिनु भए पनि इमानदारिताका साथ यति राम्रो भवन बनाइदिनुभएको छ कि यो भवन बनेको करिब २० वर्ष भयो, अहिलेसम्म एउटा केही पनि बिग्रिएको छैन । माइती नेपालको भवन सन् २००२ मा बनाएका हौं । 

Prabhu Bank
Agni Group
NIC Asia

उहाँको मन गरिबको उत्थानमा थियो । उहाँले आफ्नो कम्पनीमा काम गर्नेहरु पनि गरिब परिवारको इमान्दार व्यक्तिलाई नै राख्नुभएको थियो । उहाँले काममा राख्नुभएका ती व्यक्तिहरु अहिले पनि माइती नेपालमा काम गर्छन् । 

जब बिरामी भएर पहिलो पटक भारतको दिल्ली जानुभयो, त्यो कुरा मैले अन्य कोहीबाट थाहा पाएँ । त्यसपछि दिल्ली फोन गरेर स्वास्थ्यलाभको कामना गरे । यहाँ (माइती नेपालको कार्यालयमा) पनि उहाँको स्वास्थ्यलाभको कामना गर्‍यौं । 

Global Ime bank

माइती नेपालको भवन बनाउन अरु निर्माणकर्ताले जति लिन्थे होलान्, उहाँले त्यति लिनु भएन । उहाँलाई पैसा भन्दा पनि समाजलाई केही दिनुपर्छ भन्ने सोच उहाँमा थियो । 

पछि जब उहाँले ‘भ्वाइस पनि लुज’ गर्नु भएको थियो, त्यति बेला यहाँ आएर मसँग कुरा पनि गर्नुभएको थियो । ‘दिदी मैले कहाँ के के गर्नुपर्छ भन्नुहोस् । म गर्छु’ भन्नुभएको थियो । उहाँ जानुभन्दा दुई वर्ष अगाडि यही मिटिङ हलमा कुरा भएको थियो । त्यति बेला उहाँले ‘पोलिटिकल अफिलेसन’ पनि लिइसक्नुभएको थियो नेपाली कांग्रेसको । 

मैले त्यसबेला अब राजनीति गर्ने हो भनेर सोध्दा उहाँले हासेर ‘होइन दिदी’ भन्नुभएको थियो । उहाँको रिसाएको अनुहार कहिले पनि हुँदैनथ्यो । जहिले पनि हँसिलो थियो ।

राजनीति एउटा पाटो होला तर राजनीति गर्नेहरु म समाज सेवा गर्छु भनेर नै गएको हो । तर, राजनीतिमा गएपछि समाज सेवा गर्दैनन् नि ! भाइ (सूर्यबहादुर केसी) ले त कति समाजसेवा गर्नुभएको छ । समाजसेवा गर्नको लागि राजनीतिमा नै किन जानुपर्छ र ! यो भवन बनाउँदा पनि निकै कम मूल्यमा विडिङ गरेर राम्रो बनाइदिनुभयो । मलाई लाग्छ, यो पनि एउटा समाजको लागि नै केही गर्दैछु भनेर नै उहाँले अन्यभन्दा थोरै मूल्यमा यो भवन बनाइदिनुभएको जस्तो लाग्छ । उहाँले तत्काल फाइदालाई मात्रै हेर्नु हुँदैनथ्यो । यो भवन कसले बनाइदिएको भन्दा सूर्यबहादुर केसीको केसी कन्स्ट्रक्सनले भन्दा उहाँलाई पनि गर्व महसुस हुन्छ भनेर नै अरुले भन्दा सस्तोमा बनाउनुभएको होला । त्यसैले उहाँले समाजसेवा नै गरेको ठिक थियो । 

मान्छेहरुले व्यापारी हो भन्छन् । तर, मलाई उहाँ व्यापारी मात्रै हो भन्ने लाग्दैन । आज उहाँले जे–जे छोडेर जानुभएको छ, ती सबै समाजको लागि नै राम्रो होस् भनेर छाडेर जानुभएको छ । तर, अब सञ्चालन गर्ने व्यक्तिहरुले इमानदारीपूर्वक काम गरिदिनुपर्छ । जस्तो भोलि म मरेँ भने पनि यो ठाउँ (माइती नेपाल) लाई पनि इमानदार मान्छे चाहिन्छ नि ।

उहाँमात्रै होइन उहाँको श्रीमती पनि उस्तै स्वभावको । कोही बेलामा त भगवानले पनि राम्रो राम्रो जुराउँदा रहेछन् । उहाँ अलि हकी स्वभावमा बोले पनि बैनी सफ्ट रुपमा बोल्नुहुन्छ । उहाँका तीन छोराहरु पनि धेरै असल र राम्रा छन् । घरघरको पीडा, मनमनको पीडा त छँदैछ तर समग्रमा मैले केसीको बारेमा भन्नुपर्दा उहाँ पैसा भएर पनि सामाजिक व्यक्ति । उहाँले जे जति गरेर छोडेर जानुभएको छ ति सबै समाजलाई नै उत्थान गर्ने कार्य गरेर जानुभएको छ । हामीले सूर्यबहादुर केसीको योगदानलाई बिर्सियौँ भने त्यो राम्रो होइन । 

उहाँलाई मैले राजनीतिमा नजान भनेको होइन, उहाँ गइसकेपछि मैले थाहा पाएको हो । भाइकै काम राम्रो छ, राजनीतिमा नगएकै भए हुन्थ्यो भनेर पछि भनेको हो । संसारभरका व्यक्ति जो राजनीति गर्छन् उनीहरुले ऐनामा हेरेर सम्झियो भने उनीहरु समाजलाई केही गर्छु भनेर गएको सामाजिक कार्यकर्ता हो । मलाई लाग्छ उहाँ भएको भए अरु धेरै सामाजिक काम हुन्थ्यो होला । 
परिवारलाई सुझाव 

बैनी (केसीकी श्रीमती) र तीन जना छोराहरुले कुनै हालतमा पनि आफ्नो बुबाले जुन बाटो बनाइदिएका छन् त्यो बाटोलाई नबिगारेर त्यसलाई अझै माथि लैजान कोसिस गर्नुपर्छ ।

मलाई लाग्छ, छोराहरुलाई भन्दा पनि भाइले बैनीलाई धेरै कुरा भनेको हुनुपर्छ । त्यसैले बैनीले नै छोराहरुलाई ‘यो हो है बाबाले चाहेको । तिमीहरु यो बाटोमा हिँड’ भनेर बैनीले छोराहरुलाई पनि भन्नुपर्छ । र, तीनैजना छोराहरुले राम्रो गर्नुभएको छ अझ अगाडि लैजानुपर्छ । मैले देखेको अहिलेसम्म राम्रोसँग नै लगेका छन्, यसलाई निरन्तरता दिनुपर्छ । 

अहिले तपाईंसँग कुरा गरिरहँदा सूर्यबहादुर केसी भाइसँग गरेको कुराकानीको झल्झली याद आइरहेको छ । 
 

NIBLNIBL
प्रकाशित मिति: बुधबार, कात्तिक १७, २०७८  ०९:०१
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC