पर्यटन व्यवसाय कोभिड १९ बाट सबैभन्दा बढी प्रभावित व्यवसाय हो । हामी कसरी ‘न्यु नर्मल’ अवस्थामा जान सक्छौं भन्ने नै महत्त्वपूर्ण विषय हो । एनसेल बाह्रखरी गल्फले पनि पोखराको पर्यटनमा केही न केही आयाम थप्छ भन्ने लागेको छ । पर्यटन क्षेत्रलाई अगाडि बढाउने विषयमा धेरै कुरा सरकारमा नै निर्भर हुन्छ । 
पछिल्लो समयमा पोखरामा आन्तरिक पर्यटक बढेको अवस्था नै हो । आन्तरिक पर्यटक बढ्दा–बढ्दै पनि कतिपय चिजहरूले अझै कमी आएको हामीले अनुभव गरिरहेका छौं । जतिबेला ‘न्यु नर्मल’ अवस्थामा जाँदै थियौं त्यति बेलामा पोखराको पर्यटन गन्तव्य नै खुलेन । कोरोनासँग कति दिन डराएर बस्ने ? अब यससँग जुध्दै अगाडि बढ्नुपर्छ भनिरहँदा लेकसाइडमा रहेको मन्दिर नै खुलेको थिएन, बल्ल खुलेको छ । पोखरा आसपासका गन्तव्य खोल्नुपर्छ भन्दै आयौं । 

त्यसपछि माघ १ गतेदेखि हाइकिङ, ट्रेकिङ रुट खुलेको छ । घान्दु्रक, घोरेपानी पनि अहिले खुलेको छ । तर, अझै पनि पर्यटकलाई ‘रेस्ट्रिक्सन’ राख्दा यसले अप्ठ्यारो पार्छ । जस्तो मुक्तिनाथ मन्दिर खुल्यो तर मुक्तिनाथ दर्शन गर्न जानका लागि पीसीआर अनिवार्य भन्ने छ । यसअघि केही समय मर्दी हिमाल खुल्यो, पछि पीसीआर रिपोर्ट अनिवार्य भनियो त्यसपछि पर्यटक जान निकै कम भयो, जानै पर्नेहरू मात्रै गए । अहिले फेरि पीसीआर हुनु पर्दैन ।

 
सीमा नाका खोल्ने र पीसीआरको विषय परिमार्जन गछौं भनेर नयाँ पर्यटनमन्त्रीले भन्नुभएको छ, त्यो कहिले कार्यान्वयन हुन्छ ? यदि सीमा नाका खुल्यो भने आन्तरिक मात्रै होइन भारतीय पर्यटक पनि आउनेछन् । मुक्तिनाथ मन्दिरको दर्शन गर्न भारतीय पर्यटक आउन निकै उत्सुक छन् । अहिले आउँदै नआएको पनि होइन । चोर बाटो अपनाएर आउनेलाई केही नचाहिने स्थिति छ । त्यसैले चोर बाटोबाट होइन कि सीधै आउन दिने व्यवस्था बनाउनुपर्छ । पर्यटन गन्तव्य खुल्यो तर त्यहाँ जाने पर्यटक भएनन् भने केही काम लाग्दैन, त्यसैले पीसीआर अनिवार्य नबनाउने हो कि !

न्यु नर्मल अवस्थामा आन्तरिक पर्यटनलाई चलायमान बनाउन पीसीआर भन्ने कुरा हटाउनुपर्छ । त्यसैगरी आन्तरिक पर्यटनलाई प्रवद्र्धन गर्न विभिन्न कार्यक्रम पनि आवश्यक छ । एनसेल बाह्रखरी गल्फले पनि पोखरामा आन्तरिक पर्यटन प्रवद्र्धनमा निकै सहयोग पुर्याउने अपेक्षा गरेका छौं । यसअघि पोखरा सडक महोत्सव भयो, त्यसले आन्तरिक पर्यटनलाई निकै सहयोग पुर्यायो । नाट्टाले एक महिनाअगाडि आन्तरिक पर्यटन प्रवर्द्धन गर्न भूकम्पको केन्द्रविन्दु रहेको गोरखाको बारपाकमा चार दिनको कार्यक्रम गरिसकेका छौं । हामीले संस्थागत रूपमा विभिन्न कार्यक्रम गर्दै आएको छौं । राज्यले पनि यस्ता कार्यक्रम गर्न आवश्यक छ । 

स्थानीय, प्रदेश र संघीय सरकारले पनि यस्ता विभिन्न कार्यक्रम गर्नुपर्छ । विशेषगरी प्रदेश सरकार पर्यटन गन्तव्य खुलाउन र विभिन्न कार्यक्रम गर्न निर्णायक तहमा जानुपर्छ । बाह्रखरी गल्फलाई एक दिन मात्रै नभएर केही दिनको बनाउन सकियो भने त्यसले थप सहयोग पुर्याउँछ ।

कोभिड १९ को असरबाट पर्यटनलाई उकास्ने प्रयास स्वरुप बाह्रखरी मिडियाले एनसेल–बाह्रखरी पलह अन्तर्गत पोखराका पर्यटन व्यवसायीबीच गरेको अन्तरक्रियामा उनले यस्तो आग्रह गरेका हुन् । सुस्ताएको पर्यटन क्षेत्रलाई पुनर्जिवित गर्न एनसेललगायतका कर्पोरेट क्षेत्रको सहयोगमा बाह्रखरीले गल्फ आयोजना गर्न लागेको हो ।  
एनसेल प्रमुख प्रायोजक रहेको बाह्रखरी गल्फको यो प्रतियोगितामा नेपाल टुरिजम बोर्ड, गण्डकी प्रदेश सरकार तथा पोखरा महानगरपालिकाको पनि सहकार्य रहेको छ । 

अन्य प्रायोजकमा डिसहोम, भाटभटेनी सुपरमार्केटस्, नेपाल इन्भेष्टमेन्ट बैंक लिमिटेड, काल्र्सबर्ग, सिभास रिगल, हुन्ड्याई मोटर्स, र आईएमई रहेका छन् ।