जुनेली रात 

जुनेली रातको बेलामा
मलाई खुसी लाग्दछ
अध्ँयारो चिरेर जुनले
उज्यालो ज्योति छाउँदछ ।
जून हो साथी मेरो त
उज्यालोमा रमाउँछु
शीतल चाँदनी पिएर
आनन्दमा हराउँछु ।
खुसीको दीप चन्द्रमा 
हाँसो र खुसी फुल्दछ
वस्न्त फुल्छ जूनमा
रातको उज्यालो मुनामा ।

चुट्किला

पहिलो साथी–  तिम्रो अनुहार हेर्दा त पहिलेका मानिस बाँदर थिएजस्तो लाग्छ ।
दोस्रो साथी–   तिम्रो अनुहार हेर्दा त अहिलेका मानिस बाँदर हुन् कि जस्तो लाग्छ ।
०००
गुरु–  के वन–जङ्गलको हावा स्वस्थकर हुन्छ ?
विद्यार्थी–  हुन्छ, सर !
गुरु– कसरी ?
विद्यार्थी–  सर, मैले आजसम्म जङ्गली जनावर अस्पताल गएको देख्या छैन ।
०००
रमेश–  जुनसुकै मान्छेले मलाई जेसुकै भनून्, तर म त्यसको आधा मात्र विश्वास गर्छु ।
कैलाश–  त्यसोभए तपाई के हो ?
रमेश–  म वकिल हुँ ।
कैलाश–  मचाहिं जुनसुकै मान्छेले जेसुकै भनून्, त्यसको दुईगुणा गर्छु ।
रमेश–   त्यसोभए तपाईंचांहि को हो त ?
कैलाश–   म कर अधिकृत हुँ । 
(बाह्रखरी डिजिटल न्युज तथा हातेमालो संचारको सहकार्यमा प्रस्तुत बाल सामग्री)