काठमाडौं । ब्रोकर नम्बर ५७ आर्यतार इन्भेष्टमेन्ट एन्ड सेक्युरिटिजले निषेधाज्ञाले समस्या भएर दैनिक घरखर्च चलाउन अथवा औषधिउपचारको सेयर बचेको भए तत्काल रकम भुक्तानी गर्ने भएको छ ।
कम्पनीले आज एक सुचना प्रकाशित गर्दै कोभिड १९ महामारीको संक्रमण भएको अवस्थमा अत्यवश्यक परेर सेयर बेच्नेको लागि तत्काल भुक्तानी गर्ने भएको हो ।
लगानीकर्ताको अनुरोधमा आवश्यकता अनुसारको रकम तत्काल भुक्तानी गर्ने निर्णय गरेको कम्पनीले जनाएको छ ।
यसअघि ब्रोकर नम्बर ३५ ले पनि कोभिडका कारण कसैलाई आर्थिक समस्या परेर सेयर बेचेको भए २ लाख सम्मको भुक्तानी सेयर बेचेकै दिन गर्ने निर्णय गरेको थियाे ।
सेयर कारोबार भएको दिनमा २ दिनपछि सेटलेम्ट भएर त्यसपछि तेस्रो दिनमा मात्तै पैसा आउने गर्दछ । सेयर बेचेको दिनसहित कम्पनीमा पनि चार दिन लाग्दछ । तर ब्रोकर नंम्बर ३५ र ५७ ले भने सेयर बेचेकै दिन भुक्तानी दिने निर्णय गरेका हुन् ।
1623757576.jpg)
