नयाँ दिल्ली । भारतमा दैनिक मेडिकल अक्सिजन खपतको मात्र करिब चार गुणाले बढेको छ । कोरोना भाइरसको संक्रमणदर बढेसँगै भारतका अस्पतालमा अक्सिजन खपतको मात्रा बढेको सरकारी स्रोतलाई उदृत गर्दै टाइम्स अफ इन्डियाले जनाएको छ ।
गत फेब्रुअरीमा दैनिक एक हजार २७३ मेट्रिक टन अक्सिजन खपत हुँदै आएकोमा अप्रिलमा यो परिमाण बढेर चार हजार ७३९ मेट्रिक टन पुगेको उद्योग तथा आन्तरिक व्यापार प्रबद्र्धन विभागले जनाएको छ ।
यसअघि यहाँको केन्द्रीय स्वास्थ्य तथा परिवार कल्याण मन्त्रालयले सबै राज्यमा सहज स्वास्थ्य सेवा दिने उद्देश्यले १६२ प्रेसर स्वीङ एड्जब्र्सन (पीएसए) अक्सिजन प्लान्ट जडान गरेको थियो । थप सय अक्सिजन प्लान्ट जडान गर्नका लागि संघीय सरकारसँग आग्रह गरेको मन्त्रालयले जनाएको छ ।
सोमबार मात्र भारतीय चिकित्सा अनुसन्धान परिषद् (आईसीएमआर)का महानिर्देशक डा. बलराम भरगवाले कोरोना भाइरसको दोस्रो लहर देखिएसँगै अक्सिजनको उपयोग बढेको बताएका थिए ।