अर्थ व्यवसाय
काठमाडौं । सिद्धार्थ बैंकले नेपाल आँखा अस्पताललाई टोकन सिस्टम लागु गर्न सहयोगस्वरुप पाँच लाख रुपैयाँ आर्थिक सहयोग गरेको छ । सहयोग रकम बैंकका प्रमुख कार्यकारी अधिकृत शम्भुनाथ गौतमले अस्पतालका अध्यक्ष डा. गोपालप्रसाद पोखरेललाई हस्तान्तरण गरे ।
बैंकबाट प्राप्त उक्त रकम अस्पतालमा आउने सेवाग्राहीहरुको सुविधा तथा छिटो–छरितो सेवा प्रदान गर्न अस्पतालका विभिन्न ब्लकहरुमा टोकन सिस्टम लागु गर्न उपयोग गरिनेछ । उक्त सिस्टमले अस्पतालमा व्यवस्थित रुपमा सेवा प्रदान गर्न मद्दत पुग्ने विश्वास बैंकले लिएको छ ।
बैंकले संस्थागत सामाजिक उत्तरदायित्वअन्तर्गत स्वास्थ्य, वातावरण तथा अन्य विभिन्न क्षेत्रमा विभिन्न कार्यक्रम गर्दै आइरहेको जनाएको छ ।
प्रकाशित मिति: बिहीबार, चैत २६, २०७७ १९:५०
प्रतिक्रिया दिनुहोस्