काठमाडौं । अपर सोलु हाइड्रोइलेक्ट्रिक कम्पनी लिमिटेडले प्रारम्भिक सार्वजनिक निष्कासन (आईपीओ)को अनुमति माग गर्दैै नेपाल धितोपत्र बोर्डमा आवेदन दिएको छ ।

कम्पनीले प्रतिकित्ता १०० रुपैयाँअंकित मूल्यमा ३३ करोड ७ लाख ५० हजार रुपैयाँ बराबरको ३३ लाख ७ हजार ५०० कित्ता आईपीओ निष्कासनको अनुमति माग गर्दै बोर्डमा आवेदन दिएको हो ।

बोर्डमा यही चैत १६ गते कम्पनीले आईपीओ निष्कासनको आवेदन दिएको हो । आईपीओ निष्कासनको लागि कम्पनीले एनएमबी क्यापिटललाई बिक्री प्रबन्धक नियुक्त गरेको छ ।

आईपीओ निष्कासनको लागि कम्पनीले गराएको रेटिङमा इकार नेपालले इस्युआर रेटिङ ‘इक्रा एनपी–आईआर डबल बी प्लस’ रेटिङ दिएको छ ।