काठमाडौं । नेकपा नेतृ रामकुमारी झाँक्रीले सर्वोच्चको फैसलासँगै जनताको जित भएको बताएकी छन् । संसद् विघटन बदर भएपछि झाँक्रीले कानुनी राज्य र लोकतन्त्रको पनि जित भएको बताएकी हुन् ।

उनले रिट निवेदनको पक्षबाट अनवरत बहस पैरवी गर्ने विद्वान, वरिष्ठ कानुन व्यवसायी र कानुन व्यवसायीप्रति आभार प्रकट गरेका छन् ।

उनले भनेकी छन्, "असंवैधानिक प्रतिगामी कदमविरूद्ध सडकमा आउनुहुने सम्पूर्ण न्यायप्रेमी जनसमुदाय विभिन्न राजनीतिक दल, पार्टी सदस्य, समर्थक शुभेच्छुक सबैप्रति आभारी छु ।"

विधायकी मनसाय, संविधानको अक्षर र भावनाको सही व्याख्या गरेकामा न्यायालय, संवैधानिक इजलासका प्रधानन्यायाधीशसहित न्यायाधीशलाई उनले धन्यवाद दिएकी छन् ।