आबुधाबी । सुडान काउन्सिलका प्रमुख अब्देशल फताह अल-बुर्हान यूएई पुगेका छन् । उनले यूएईमा इमिरेट्स र अमेरिकी अधिकारीसँग छुट्टाछुट्टै वार्ता गर्ने बताइएको छ । 

सुडानी सञ्‍चारमाध्यम अनुसार अल-बुर्हानले सुडानलाई अमेरिकाको 'आतंकवादको प्रायोजन' गरेको मुलुकको सूचीबाट हटाउने विषयमा अमेरिकी अधिकारीहरुसँग छलफल गर्नेछन् । 

सुडानको सरकारी समाचार संस्था एसयूएनएका अनुसार सुडान काउन्सिल प्रमुख फताहले यूएई नेतृत्वसँग अन्य क्षेत्रीय मुद्दाहरुमासमेत छलफल गर्ने बताइएको छ । 

गत वर्ष सुडानमा झण्डै ३० वर्ष सत्तामा रहेका राष्ट्रपति ओमार अल-बशीरलाई सत्ताच्युत गरेर गिरफ्तार गरिएको सेनाले मुलुकको सत्ता सम्हालिरहेको छ । सेनाले दुई बर्षे संक्रमणकालको जिम्मा लिने र त्यसपछि निर्वाचन हुने बताइएको थियो । 

त्यसैगरी उनीसँगै भ्रमणमा रहेका सुडानका कानुन मन्त्री नासिइद्दिन अब्देलबारीले अमेरिकी अधिकारीहरुलाई छुट्टै भेट गर्ने र संक्रमणकालमा सहयोग गर्न र अमेरिकी ऋण मिनाहका लागि कुरा गर्ने जनाइएको छ । 

एक्ओइस वेबसाइटका अनुसार अमेरिकी, इमरेट्स र सुडानी अधिकारीले आबुधाबीमा सोमबार निर्णायक वार्ता गर्ने बताइएको छ । - अलजजिरा