हङकङ । नोभेल कोरोना भाइरसको संक्रमणबाट कम प्रभावित भएको भनिएको हङकङमा बुधबार मध्यरातिदेखि लागु हुने गरी नयाँ कडा प्रतिबन्धहरु लागु गरिएको बताइएको छ ।
विभिन्न सार्वजनिक स्थानमा रहँदा तथा कार्यालयमा रहँदा अनिवार्य मास्क लगाउनुपर्ने प्रावधान राखिएको छ । कसैले पनि उक्त नियम उल्लंघन गरेमा ५ हजार हङकङ डलर तथा ६४५ अमेरिकी डलर तिर्नुपर्ने प्रवाधान राखिएको छ ।
त्यसैगरी जिम तथा मनोरञ्जनका स्थानहरु २८ जुलाईसम्म बन्द राख्न भनिएको छ । त्यसैगरी बेलुका ६ बजेपछि खाना खाने रेस्टुरेन्टहरु पनि बन्द गरिने जनाइएको छ । हङकङकी स्वास्थ्यमन्त्री सोफिया चानले भनिन्, "यो हङकङका लागि निकै गम्भीर समय हो । हामी नागरिकहरुला२ धैर्यता गर्न र सकेसम्म घरभित्रै बस्न आग्रह गर्दछौं ।"
पछिल्लो साता हङकङमा कोरोना भाइरस संक्रमितको संख्या बढीरहेको छ । मंगलबार मात्र हङकङमा ६१ जना कोरोना भाइरस संक्रमित देखिएका थिए । त्यसैगरी २४ घण्टाको अवधिमा हङकङमा दुईजनाको मृत्यु भएको थियो । हङकङमा हालसम्म दुई हजार १३२ जनालाई कोरोना भाइरसको संक्रमण देखिएको छ भने ११२ जनाको मृत्यु भएको छ । - बीबीसी
