दाङ । प्रदेश नम्बर ५ का मुख्यमन्त्री शंकर पोख्रेलले विद्यार्थीहरुलाई पढाएर विद्यालयमा एक दिन, कक्षा कोठामा एक दिन कार्यक्रमाको शुरुवात गरेका छन् । तुलसीपुर उपमहानगरपालिकाले शुरु गरेको उक्त अभियान अन्तर्गत सोमबार उनले तुलसीपुर ७ को कालाखोलाका विद्यार्थीहरुलाई पढाएका हुन् ।
अब सबै अभिभावक वर्षमा एक दिन विद्यालय आउने कार्यक्रमको शुरुवात भएको मुख्यमन्त्री पोख्रेलले बताए । यसले शैक्षिक गुणस्तर वृद्धि गर्न समेत मद्दत पुर्याउने उनको भनाइ छ । अभिभावकले सामुदायिक विद्यालयमा आएर लगानी गरे सामुदायिक विद्यालयप्रति आकर्षण बढाउन सकिने उनले बताए ।
तुलसीपुर उपमहानगरपालिकाबाट शुरु भएको यो अभियान प्रदेशका सबै सामुदायिक विद्यालयमा पुर्याइने मुख्यमन्त्री पोख्रेलले बताए ।